హీరోగా సాత్విక్‌
ABN, First Publish Date - 2021-05-24T11:29:54+05:30
‘బాహుబలి, రేసుగుర్రం, దువ్వాడ జగన్నాథం’ తదితర చిత్రాల్లో బాలనటుడిగా కనిపించిన సాత్విక్‌ వర్మ హీరోగా మారాడు....
‘బాహుబలి, రేసుగుర్రం, దువ్వాడ జగన్నాథం’ తదితర చిత్రాల్లో బాలనటుడిగా కనిపించిన సాత్విక్‌ వర్మ హీరోగా మారాడు. క్రికెట్‌ బెట్టింగ్‌ నేపథ్యంలో సాగే ‘బ్యాచ్‌’లో అతను హీరోగా నటించాడు. దర్శకుడు శివ మాట్లాడుతూ ‘‘ఇదొక యూత్‌ఫుల్‌ కాలేజీ ఎంటర్‌టైనర్‌. పోకిరీ కుర్రాళ్లు క్రికెట్‌ బెట్టింగ్‌లో ఏం చేశారన్నది కథ’’ అని చెప్పారు. ‘‘చిత్రీకరణ పూర్తయింది. పోస్ట్‌ ప్రొడక్షన్‌ పనుల్లో ఉందీ సినిమా. త్వరలో విడుదల చేస్తాం’’ అని నిర్మాత రమేశ్‌ ఘనమజ్జి తెలిపారు. నేహా పఠాన్‌ హీరోయిన్‌గా నటించిన ఈ చిత్రానికి రఘు కుంచె సంగీత దర్శకుడు.
Updated Date - 2021-05-24T11:29:54+05:30 IST