రాజా గారు వేటకొస్తే...

‘‘రాజా గారు బయటకొస్తే... ప్రమాదమే ప్రయాసతో పరారు అంతే! రాజా గారు వేటకొస్తే... భుజాలపై షికారులే ఖరారు అంతే! అదిరెలే... ఇంచైనా తగ్గదింక ఠీవి నీదే! అదిరెలే...

‘‘రాజా గారు బయటకొస్తే... ప్రమాదమే ప్రయాసతో పరారు అంతే! రాజా గారు వేటకొస్తే... భుజాలపై షికారులే ఖరారు అంతే! అదిరెలే... ఇంచైనా తగ్గదింక ఠీవి నీదే! అదిరెలే... కంగారు మచ్చుకైనా లేనే లేదే’’ అంటూ డేవిడ్‌ సైమన్‌ ఓ పాట పాడారు. ప్రశాంత్‌ ఆర్‌. విహారి సంగీతంలో కేకే రాసిన ఈ గీతం ‘రాజా విక్రమార్క’లోనిది! కార్తికేయ గుమ్మకొండ హీరోగా శ్రీ సరిపల్లి దర్శకత్వంలో ‘88’ రామారెడ్డి నిర్మిస్తున్న చిత్రమిది. సినిమా థీమ్‌ సాంగ్‌ను మంగళవారం విడుదల చేశారు. ‘88’ రామారెడ్డి మాట్లాడుతూ ‘‘ద్వితీయార్థంలో కీలక సందర్భంలో వచ్చే గీతమిది. కార్తికేయగారి పుట్టినరోజు సందర్భంగా విడుదల చేశాం. త్వరలో సినిమా విడుదల తేదీ ప్రకటిస్తాం. చిత్రీకరణ పూర్తయింది. ప్రస్తుతం డబ్బింగ్‌ పనులు చివరి దశలో ఉన్నాయి’’ అని అన్నారు. తాన్యా రవిచంద్రన్‌ హీరోయిన్‌గా, సుధాకర్‌ కోమాకుల, సాయికుమార్‌, తనికెళ్ల భరణి, పశుపతి ప్రధాన పాత్రల్లో నటించిన ఈ చిత్రానికి సమర్పణ: ఆదిరెడ్డి .టి.