Deva Katta: పవన్ కళ్యాణ్‌తో 'రిపబ్లిక్ 2'..!
ABN, First Publish Date - 2021-12-22T18:42:54+05:30
పవన్ కళ్యాణ్‌తో 'రిపబ్లిక్ 2' చేస్తానని దర్శకుడు దేవా కట్టా తెలిపారు. సాయి ధరమ్ తేజ్ హీరోగా ఆయన దర్శకత్వంలో వచ్చిన 'రిపబ్లిక్' మూవీ ప్రేక్షకులను బాగానే ఆకట్టుకుంది.
పవన్ కళ్యాణ్‌తో 'రిపబ్లిక్ 2' చేస్తానని దర్శకుడు దేవా కట్టా తెలిపారు. సాయి ధరమ్ తేజ్ హీరోగా ఆయన దర్శకత్వంలో వచ్చిన 'రిపబ్లిక్' మూవీ ప్రేక్షకులను బాగానే ఆకట్టుకుంది. కరోనా వేవ్స్ ప్రభావం లేకపోయి ఉంటే మంచి కమర్షియల్ సక్సెస్ సాధించేది. అయితే, మేకింగ్ పరంగా దర్శకుడు దేవా కట్టాకు, పర్ఫార్మెన్స్ పరంగా సాయి ధరమ్ తేజ్‌కు విమర్శకుల ప్రశంసలు దక్కాయి. ఒక మంచి కథతో సినిమాను తెరకెక్కించిన దేవ కట్టాను ప్రతి ఒక్కరు అభినందించారు. ఇలాంటి కాన్సెప్ట్ ఓరియంటెడ్ సినిమాలు ఇండస్ట్రీలో ఇంకా ఇంకా రావాలని అభిప్రాయ పడినవారు చాలామంది ఉన్నారు.
'రిపబ్లిక్' సినిమాలో ప్రస్తుతం రాజకీయాలు ఎలా ఉన్నాయి.. వాటి వల్ల న్యాయ వ్యవస్థ, ఇతర వ్యవస్థలు ఎదుర్కొంటున్న సమస్యల గురించి అద్భుతంగా చూపించారు దేవ కట్టా. అయితే, దీనికి కొనసాగింపుగా 'రిపబ్లిక్ 2' చిత్రాన్ని రూపొందిస్తానని ఆయనే చెప్పుకొచ్చారు. పవన్ కళ్యాణ్ గారి కోసం కథను సిద్దం చేస్తున్నట్లుగా దేవ కట్టా అధికారికంగా ప్రకటించారు. 'రిపబ్లిక్ 2' ను పవన్‌తో చేయాలని తాపత్రయపడుతున్న దేవ కట్టాకు ఆ అవకాశం దక్కుతుందో లేదో చూడాలి. ప్రస్తుతం పవన్ కమిటయిన ప్రాజెక్ట్స్ పూర్తవడానికి చాలానే సమయం పడుతుంది. ఈ లోపు మంచి కథ రెడీ చేసుకొని ఒప్పిస్తే ప్రాజెక్ట్ పట్టాలెక్కడం పెద్ద పనేమీ కాదు.