సంక్రాంతికి `కేజీఎఫ్-2` టీజర్?

కన్నడ స్టార్ యశ్, ప్రశాంత్ నీల్ కాంబినేషన్‌లో తెరకెక్కుతున్న `కేజీయఫ్-2` సినిమాపై అంచనాలు భారీగా ఉన్నాయి.

కన్నడ స్టార్ యశ్, ప్రశాంత్ నీల్ కాంబినేషన్‌లో తెరకెక్కుతున్న `కేజీయఫ్-2` సినిమాపై అంచనాలు భారీగా ఉన్నాయి. `కేజీఎఫ్` మొదటి భాగం బ్లాక్‌బస్టర్‌గా నిలిచిన నేపథ్యంలో ఈ రెండో భాగానికి క్రేజ్ బాగా పెరిగింది. ఇప్పటికే విడుకాల కావాల్సిన ఈ సినిమా లాక్‌డౌన్ కారణంగా వాయిదా పడింది. లాక్‌డౌన్ అనంతరం ఈ మధ్యనే షూటింగ్ పున:ప్రారంభమైంది. 

ఈ సినిమా టీజర్ త్వరలోనే విడుదల కాబోతోందట. ఈ దసరాకు టీజర్ వస్తుందని అందరూ భావించారు. కానీ విడుదల కాలేదు. విశ్వసనీయ వర్గాల సమాచారం ప్రకారం వచ్చే ఏడాది సంక్రాంతి కానుకగా టీజర్ విడుదల చేస్తారని తెలుస్తోంది. వచ్చే ఏడాది జనవరి 8వ తేదీన టీజర్‌ను విడుదల చేయాలని చిత్రబృందం ఆలోచిస్తోందట.