సాయితేజ్ పొలిటికల్ మూవీ!
ABN, First Publish Date - 2020-09-24T02:00:46+05:30
కరోనా కారణంగా ఇన్ని రోజులూ ఇళ్లకే పరిమితమైన సినిమా హీరోలు ఇప్పుడిప్పుడే బయటకు వస్తున్నారు.
కరోనా కారణంగా ఇన్ని రోజులూ ఇళ్లకే పరిమితమైన సినిమా హీరోలు ఇప్పుడిప్పుడే బయటకు వస్తున్నారు. షూటింగ్లను తిరిగి ప్రారంభిస్తున్నారు. మెగా హీరో సాయితేజ్ ఇటీవల `సోలో బ్రతుకే సో బెటరు` సినిమా షూటింగ్ను పూర్తి చేశాడు. వచ్చే నెల నుంచి తన కొత్త సినిమా షూటింగ్ను ప్రారంభించబోతున్నాడు.
`ప్రస్థానం` డైరెక్టర్ దేవకట్టాతో సాయితేజ్ ఓ సినిమా చేయబోతున్న సంగతి తెలిసిందే. వచ్చే నెల మూడో వారం నుంచి ఈ సినిమా షూటింగ్ ప్రారంభం కాబోతోంది. ఈ సినిమా ప్రీ ప్రొడక్షన్ వర్క్ పూర్తయిందని దేవ కట్టా ట్విటర్ ద్వారా ప్రకటించాడు. అక్టోబర్ రెండో వారం నుంచి షూటింగ్ మొదలవుతుందని తెలిపాడు. పొలిటికల్ బ్యాక్ డ్రాప్లో విభిన్నమైన కథతో ఈ సినిమా రూపొందబోతున్నట్టుగా తెలుస్తోంది.