మానవ జాతిపై ఆశ సన్నగిల్లుతోంది: సాయిపల్లవి ఆగ్రహం

తమిళనాడులో మరో దారుణం చోటు చేసుకుంది. ఏడేళ్ల చిన్నారిపై మృగాళ్లు పైశాచికంగా

తమిళనాడులో మరో దారుణం చోటు చేసుకుంది. ఏడేళ్ల చిన్నారిపై మృగాళ్లు పైశాచికంగా దాడి చేసి చంపేసిన ఘటన తాజాగా వెలుగులోకి వచ్చింది. రెండు రోజుల క్రితం తప్పిపోయిన బాలిక అత్యాచారానికి, హత్యకు గురైంది. ఈ ఘటనపై సోషల్‌ మీడియా వేదికగా సెలబ్రిటీలు, సామాన్యులు ఆగ్రహం వ్యక్తం చేస్తున్నారు. హీరోయిన్ సాయి పల్లవి ఈ ఘటనపై భావోద్వేగ ట్వీట్లు చేసింది. 

`రోజురోజుకూ మానవజాతిపై ఆశ సన్నగిల్లుతోంది. మన శక్తిని బలహీనులను బాధపెట్టడానికి ఉపయోగిస్తున్నాము. రాక్షసానందాన్ని పొందడం కోసం చిన్నారులను బలి తీసుకుంటున్నాము. మానవ మనుగడను ప్రక్షాళన చేయాల్సిన అవసరం గురించి ప్రకృతి మనకు ప్రతిరోజూ చెబుతోంది. ఈ ఘోరమైన అన్యాయాలు చూడటానికే మనం ఇంత దారుణమైన జీవితాన్ని గడుపుతున్నాం. ఇలాంటి రాక్షస లోకంలోకి మరో బిడ్డను తీసుకు వచ్చే అర్హత కోల్పోయామ`ని సాయిపల్లవి వరుస ట్వీట్లు చేసింది.