`ఎల్.బి ఎంటర్టైన్మెంట్స్` లోగో లాంఛ్ చేసిన `రాధేశ్యామ్` డైరెక్టర్!

మంచి నిర్మాణ విలువలు ఉన్న సంస్థలను తెలుగు సినిమా పరిశ్రమ ఎప్పుడూ ఆదరిస్తుంది.

మంచి నిర్మాణ విలువలు ఉన్న సంస్థలను తెలుగు సినిమా పరిశ్రమ ఎప్పుడూ ఆదరిస్తుంది. ఇలాంటి నిర్మాణ సంస్థలతో పనిచేయడానికి ప్రముఖ కథానాయకులు కూడా ఆసక్తి చూపిస్తుంటారు. తాజాగా టాలీవుడ్‌లోకి మరో నిర్మాణ సంస్థ అడుగుపెట్టింది. రాహుల్ చౌదరి సారథ్యంలో `ఎల్.బి ఎంటర్టైన్మెంట్స్` అనే ఓ కొత్త నిర్మాణ సంస్థ పరిశ్రమలోకి అడుగుపెట్టింది.

`రాధేశ్యామ్` సినిమా దర్శకుడు రాధాకృష్ణ కుమార్ ఈ బ్యానర్ లోగోను తాజాగా ఆవిష్కరించారు. ఈ సందర్భంగా దర్శకుడు రాధాకృష్ణ కుమార్ మాట్లాడుతూ.. `రాహుల్ చౌదరి డైనమిక్ పర్సన్. ఆయన బ్యానర్‌లో వచ్చే సినిమాలన్నీ అద్భుత విజయాలు సాధించాలి. మంచి నిర్మాతగా పేరు తెచ్చుకోవాల`ని ఆకాక్షించారు. నిర్మాత రాహుల్ చౌదరి మాట్లాడుతూ.. `అత్యున్నత నిర్మాణాత్మక విలువలకు పెద్ద పీట వేస్తూ ఈ సంస్థ నుంచి మంచి సినిమాలు రాబోతున్నాయి. మా బ్యానర్‌పై ముందుగా భారీ సినిమాలను నిర్మిస్తామ`ని అన్నారు.