‘గుట్టు చప్పుడు’ ఫస్ట్ లుక్ మోషన్ పోస్టర్ వదిలారు
ABN, First Publish Date - 2020-08-22T21:13:20+05:30
డాన్ ఎంటర్టైన్మెంట్ (డ్రీమ్స్ ఆఫ్ నెట్వర్క్) బ్యానర్‌పై నిర్మాత లివింగ్ స్టన్ నిర్మిస్తోన్న చిత్రం ‘గుట్టు చప్పుడు’. మణింద్రన్ దర్శకత్వంలో రూపుదిద్దుకుంటున్న
డాన్ ఎంటర్టైన్మెంట్ (డ్రీమ్స్ ఆఫ్ నెట్వర్క్) బ్యానర్‌పై నిర్మాత లివింగ్ స్టన్ నిర్మిస్తోన్న చిత్రం ‘గుట్టు చప్పుడు’. మణింద్రన్ దర్శకత్వంలో రూపుదిద్దుకుంటున్న ఈ చిత్రానికి సంబంధించి.. వినాయక చవితి పర్వదినం సందర్భంగానూ.. అలాగే మెగాస్టార్ చిరంజీవి పుట్టినరోజు కానుకగా చిత్ర ఫస్ట్ లుక్ మోషన్ పోస్టర్‌ను చిత్రయూనిట్ విడుదల చేసింది.
ఈ సందర్భంగా నిర్మాత లివింగ్ స్టన్ మాట్లాడుతూ.. ‘‘మెగాస్టార్ చిరంజీవిగారి పుట్టినరోజు సందర్భంగా, మరియు వినాయక చవితి పండుగ సందర్భంగా ఈ చిత్ర ఫస్ట్ లుక్ రిలీజ్ చేశాం. ఈ చిత్రాన్ని కొత్త తరహా కథనంతో రూపొందిస్తున్నాము. డైరెక్టర్ మಣಿಂద్రన్ ఈ చిత్ర కథను మలచిన విధానం, నేటి యువతీ యువకుల విచ్చలవిడితనానికి, బాధ్యతారాహిత్యాలకు, సామాజిక పరిస్థితులకు అద్దం పట్టేలా ఉంటుంది. లవ్, రొమాన్స్, థ్రిల్లర్ కథనంగా ఈ సినిమా ఉంటుంది. డైరెక్టర్ మಣಿಂద్రన్, నా కాంబినేషన్లో, డాన్ ఎంటర్టైన్మెంట్ బ్యానర్‌లోనే, ఆల్రెడీ ఒక పెద్ద బడ్జెట్ సినిమా చిత్రీకరణ జరుగుతుండగా, లాక్‌డౌన్ కారణంగా నిలిపి వేయవలసి వచ్చింది. ప్రస్తుత లాక్‌డౌన్‌లో కొన్ని షరతులతో కూడి ఉన్న షూటింగ్‌లను జరుపుకోవచ్చు అని ప్రభుత్వం అనుమతి నిచ్చింది కాబట్టి తక్కువ మంది టెక్నీషియన్స్‌తో, ప్రత్యేక లొకేషన్లలో ఈ కొత్త చిత్రం చేస్తున్నాము..’’ అని అన్నారు.
డైరెక్టర్ మಣಿಂద్రన్ మాట్లాడుతూ.. ‘‘ప్రొడ్యూసర్ లివింగ్ స్టన్‌గారు, నేను ఆల్రెడీ చేస్తున్న చిత్రం లాక్‌డౌన్ కారణంగా ఆపాల్సి వచ్చినప్పటికీ, నేటి లాక్‌డౌన్ పరిస్థితులకు, షరతులకు అనువైన కథను రెడీ చేసి ప్రొడ్యూసర్‌గారికి చెప్పడం జరిగినది. కథ-కథనం బాగా నచ్చడంతో వెంటనే కొత్త సినిమాకు ఆయన అంగీకరించారు. చాలా సంతోషంగా ఉంది. ఈ చిత్రంలో హీరో హీరోయిన్‌ల ముఖ చిత్రాలు, పరిచయం మా సెకండ్ లుక్‌లో రిలీజ్ చేయబోతున్నాం. వినాయక చవితి సందర్భంగా మరియు మెగాస్టార్ చిరంజీవిగారి జన్మదిన శుభాకాంక్షలతో మా ఫస్ట్‌లుక్‌ మోషన్ పోస్టర్ రిలీజ్ చేశాము. నాతోపాటు ముఖ్య టెక్నీషియన్లు వెంటనే స్పందించి సహకరించినందుకు ధన్యవాదాలు..’’ అని తెలిపారు. ఇంకా మ్యూజిక్ డైరెక్టర్ కున్ని గుడిపాటి, రైటర్ వై. సురేష్ కుమార్, కెమెరామెన్ రాము, ఎడిటర్ శివకుమార్ తదితరులు ఈ అవకాశం పట్ల ఆనందాన్ని వ్యక్తం చేశారు.