బన్నీకి దేవిశ్రీ గిఫ్ట్!
ABN, First Publish Date - 2020-04-06T17:53:53+05:30
తన స్నేహితుడు, స్టైలిష్ స్టార్ అల్లు అర్జున్కు సంగీత దర్శకుడు దేవిశ్రీప్రసాద్ మూడ్రోజుల ముందే బర్త్ డే గిఫ్ట్ అందించాడు.
తన స్నేహితుడు, స్టైలిష్ స్టార్ అల్లు అర్జున్కు సంగీత దర్శకుడు దేవిశ్రీప్రసాద్ మూడ్రోజుల ముందే బర్త్ డే గిఫ్ట్ అందించాడు. ఈ నెల ఎనిమిదో తేదీన బన్నీ 37వ జన్మదినోత్సవం జరుపుకోబోతున్నాడు. ఈ నేపథ్యంలో బన్నీ అభిమానుల కోసం దేవి శ్రీ ప్రసాద్ కామన్ డీపీ (సీడీపీ)ని విడుదల చేశాడు. ఇప్పటివరకు అల్లు అర్జున్ నటించిన పాత్రల ఫోటోలను ఎడిట్ చేసి సీడీపీగా రిలీజ్ చేశాడు.
`నా ప్రియ మిత్రుడు స్టైలిష్ స్టార్ అల్లు అర్జున్ సీడీపీని విడుదల చేయడం చాలా ఆనందంగా ఉంది. అడ్వాన్స్డ్ హ్యాపీ బర్త్ డే బన్నీ బాయ్. బర్త్ డే రోజున మరోసారి విష్ చేస్తాను` అని దేవి ట్వీట్ చేశాడు. ఈ సీడీపీ విడుదలైన కొద్ది సేపటికే సోషల్ మీడియాలో వైరల్ అయింది. బన్నీ అభిమానులందరూ దీని తమ డీపీగా పెట్టుకుంటున్నారు. ఇక, అల్లు అర్జున్, సుకుమార్ కాంబినేషన్లో తెరకెక్కుతున్న సినిమా ఫస్ట్లుక్ కూడా బర్త్డే సందర్భంగా విడుదల కాబోతున్నట్టు సమాచారం.