మరో రికార్డ్: 300 మిలియన్ క్లబ్లోకి బుట్టబొమ్మ
ABN, First Publish Date - 2020-08-02T05:20:21+05:30
కరోనా కష్టకాలంలో కూడా స్టైలిష్ స్టార్ అల్లు అర్జున్ అభిమానులు వరుసగా గుడ్ న్యూస్లు వింటున్నారు. ఆయన నటించిన ‘అల వైకుంఠపురములో’ చిత్రం ఎంత
కరోనా కష్టకాలంలో కూడా స్టైలిష్ స్టార్ అల్లు అర్జున్ అభిమానులు వరుసగా గుడ్ న్యూస్లు వింటున్నారు. ఆయన నటించిన ‘అల వైకుంఠపురములో’ చిత్రం ఎంత పెద్ద బ్లాక్ బస్టర్ అయిందో.. అంతకంటే ఎక్కువగా ఆ చిత్రంలోని ‘బుట్టబొమ్మ’ సాంగ్ హిట్టయింది. సినిమా విడుదలైనప్పటి నుంచి ‘బుట్టబొమ్మ’ సంచలనం తెలియంది కాదు. వ్యూస్, లైక్స్ అంటూ రోజూ ఏదో ఒక రికార్డ్ వార్త ఈ పాట గురించి వినిపిస్తూనే ఉంది. తాజాగా ఈ సాంగ్ 300 మిలియన్ ప్లస్ వ్యూస్ రాబట్టినట్లుగా మ్యూజిక్ డైరెక్టర్ థమన్ తెలిపారు.
ఇప్పటి వరకు తెలుగు సినిమా ఇండస్డ్రీకి సంబంధించి ఏ పాటకు ఇంత క్రేజ్ రాలేదు. టిక్ టాక్ వంటి మాధ్యమాలతో ఈ పాట అంతర్జాతీయ స్థాయిలో కూడా వినబడింది. థమన్ సంగీతం, రామజోగయ్య సాహిత్యానికి తోడు బన్నీ డ్యాన్స్, పూజా గ్లామర్ ఈ పాటకు ప్రధాన ఆకర్షణ అయ్యాయి. అందుకే యూట్యూబ్లో ఈ సాంగ్ విపరీతంగా క్రేజ్ అవుతోంది. ఇప్పుడీ పాట 300 మిలియన్ క్లబ్లోకి చేరి తెలుగు సినిమా స్థాయి ఏంటో మరోసారి చాటిచెప్పింది.