మాట సాయం!

తాప్సి ప్రధాన పాత్ర పోషించిన ‘మిషన్‌ ఇంపాజిబుల్‌’ చిత్రానికి యువ కథానాయకుడు నవీన్‌ పోలిశెట్టి వాయిస్‌ ఓవర్‌ అందించారు. చిత్రనిర్మాణ సంస్థ మ్యాట్నీ ఎంటర్‌టైన్‌మెంట్‌ ఈ విషయాన్ని తెలిపింది.  చాలా కాలం తర్వాత తాప్సి తెలుగులో మళ్లీ నటిస్తున్న ఈ చిత్రాన్ని ‘ఏజెంట్‌ సాయి శ్రీనివాస ఆత్రేయ’ చిత్ర దర్శకుడు స్వరూప్‌ రూపొందించారు. వినోదంతో పాటు ఊహించని కొన్ని ట్విస్టులు ఈ చిత్రంలో ఉన్నాయి. నవీన్‌ పోలిశెట్టి వాయిస్‌ ఓవర్‌  కచ్చితంగా బోనస్‌ అవుతుందని చిత్ర బృందం తెలిపింది. విడుదలకు ముందే ట్రైలర్‌, టీజర్‌తో అద్భుతమైన స్పందన అందుకున్న ఈ చిత్రం ఏప్రిల్‌ ఒకటిన విడుదలవుతోంది. నమ్మశక్యంకాని ఓ నిజమైన సంఘటన ఆధారంగా రూపుదిద్దుకున్న ‘మిషన్‌ ఇంపాజిబుల్‌’ చిత్రంలో రవీందర్‌ విజయ్‌, హరీశ్‌ పరేడి, రిషబ్‌ శెట్టి తదితరులు నటించారు. ఎన్‌.ఎం.పాషా సహనిర్మాత. నిరంజన్‌రెడ్డి, అన్వేష్‌రెడ్డి నిర్మాతలు.