స్త్రీ లేకపోతే... సృష్టి లేదు

భార్గవ గొట్టిముక్కల దర్శకత్వం వహించిన చిత్రం ‘వధుకట్నం’. ఇలా జరగొచ్చేమో? అనేది ఉపశీర్షిక. షబాబు ఫిల్మ్స్‌ పతాకంపై షేక్‌ బాబూ సాహెబ్‌ (బాబుషా) నిర్మించారు. ఈనెల 21న విడుదల అవుతోంది. ఈ సందర్భంగా దర్శకుడు మాట్లాడుతూ ‘‘ఆధునిక సమాజంలో కూడా లింగ వివక్ష ఉండడం దారుణం. ఇప్పటికే స్ర్తీ, పురుష నిష్పత్తి బాగా తగ్గిపోయింది. ఇదే పరిస్థితి కొనసాగితే భవిష్యత్తులో అమ్మాయిలే తగ్గిపోతారు. అలాంటప్పుడు వధుకట్నం ఆచారం మళ్లీ వస్తుందనిపిస్తుంది. ఆ ఊహలోంచి పుట్టిన కథ ఇది’’ అన్నారు. నిర్మాత మాట్లాడుతూ ‘‘ఈ చిత్రానికి నేనే కథ అందించా. సమాజంలో మనం చూస్తున్న సమస్యే తెరపై వినోదపు పూత పూసి చెప్పాం’’ అన్నారు.