Vijay Antony : విడుదలకు సిద్దమైన తాజా చిత్రం

‘నకిలి (Nakili), డాక్టర్ సలీమ్ (Doctor Saleem)’ చిత్రాలతో టాలీవుడ్ ప్రేక్షకుల మనుసు దోచుకున్నాడు తమిళ హీరో విజయ్ ఆంటనీ (Vijay Antony). ‘బిచ్చగాడు’ (Bichagadu) బ్లాక్ బస్టర్ హిట్ తో మరింతగా దగ్గరయ్యాడు. ఆ తర్వాత పలు చిత్రాలు వచ్చినప్పటికీ.. అవి అంతగా మ్యాజిక్ చేయలేకపోయాయి. తాజాగా విజయ్ మరో వెరైటీ తమిళ మూవీతో రాబోతున్నాడు. సినిమా పేరు కొలై (Kolai). తెలుగులో ఈ సినిమా ‘హత్య’ (Hatya) గా రాబోతోంది.

కమల్‌ బోరా, జి.ధనుంజయన్‌, ప్రదీప్‌ పి.పంకజ్‌ బోరా, సిద్ధార్థ్‌ శంకర్‌, ఆర్‌వీఎస్‌ అశోక్‌ కుమార్‌, టాన్సీ దురైసింగం పిళ్ళైలు ఇన్ఫినిటీ వెంచర్స్‌, లూటస్‌ పిక్చర్స్‌ సంయుక్తంగా బాలాజీ కె.కుమార్‌ (Balaji K Kumar) దర్శకత్వంలో ఈ సినిమాను నిర్మించారు. తమిళం, తెలుగు, హిందీ భాషల్లో సినిమాను విడుదల చేస్తున్నారు. 

త్వరలో ఈ చిత్రం విడుదలకానున్న నేపథ్యంలో ఏర్పాటు చేసిన విలేకరుల సమావేశంలో విజయ్‌ ఆంటోని మాట్లాడుతూ ‘ఇంతమంది దర్శకులతో కలిసి పని చేయడం సంతోషం.  ఈ చిత్ర నిర్మాతలు కోలీవుడ్‌కు ఓ వరం.  హీరోయిన్లు రితికా సింగ్‌ (Rithika Singh), మీనాక్షి చౌదరి (Meenakshi Chowdary) లతో కలిసి పనిచేయడం చాలా ఆనందంగా ఉంది. ఈ సినిమా తప్పకుండా హిట్‌ అవుతుంది’ అని అన్నారు. దర్శకుడు బాలాజీ కె.కుమార్‌ మాట్లాడుతూ.. ఈ ప్రాజెక్టు కార్యరూపం దాల్చడానికి కారకులు విజయ్‌ ఆంటోనీ, కథ చెప్పగానే హీరో అందులో లీనమైపోయారు. ప్రతి ఒక్క నిర్మాతకు ధన్యవాదాలు’ తెలిపారు. హీరోయిన్లతో పాటు నిర్మాతలు, దర్శకుడు మిష్కిన్‌, నిర్మాత అమ్మ రాజశేఖర్‌, సంగీత దర్శకుడు గిరీష్‌ గోపాలకృష్ణన్‌ తదితరులు ప్రసంగించారు.