'రామారావు ఆన్ డ్యూటీ'తో వేణు రీఎంట్రీ

మాస్ మాహారాజ రవితేజ నటిస్తున్న లేటెస్ట్ మూవీ 'రామారావు ఆన్ డ్యూటీ'. ఈ మూవీతో సీనియ నటుడు వేణు తొట్టెంపూడి రీఎంట్రీ ఇస్తున్నాడు. డెబ్యూ డైరెక్టర్ శరత్ మండవ తెరకెక్కిస్తున్న ఇందులో మజిలీ ఫేమ్ దివ్యాన్ష కౌశిక్, మలయాళ నటి రాజేష్ విజయన్ హీరోయిన్లుగా నటిస్తున్నారు. తాజాగా ఈ చిత్రంలో వేణు తొట్టెంపూడి కీలక పాత్రలో నటిస్తున్నట్లు మేకర్స్ ప్రకటించారు. ఈ మేరకు ట్విట్టర్ ద్వారా 'వెల్కమ్ ఎ బోర్డ్ వేణు' అంటూ ఓ పోస్టర్‌ను వదిలారు. 

కాగా 1999లో వచ్చిన 'స్వయంవరం' సినిమాతో హీరోగా తెలుగు తెరకి పరిచయమయ్యాడు. మొదటి సినిమాతోనే నంది స్పెషల్ జ్యూరీ అవార్డును అందుకున్నాడు. ఆ తరువాత 26 సినిమాల్లో నటించగా, సుమారు 17 సినిమాలు హిట్ అయ్యాయి. హీరోగా వంశీ దర్శకత్వంలో వచ్చిన 'గోపి గోపిక గోదావరి' సినిమా తరువాత, జూనియర్ ఎన్టీఆర్ నటించిన 'దమ్ము' సినిమాలో ఓ క్యారెక్టర్ చేశాడు. దాని తర్వాత ఇండస్ట్రీకి దూరమయ్యారు. మళ్లీ ఇంత కాలం తరువాత 'రామారావు ఆన్ డ్యూటీ' సినిమాతో రీఎంట్రీ ఇస్తున్నారు వేణు తొట్టెంపూడి.