అందుకే కేసీఆర్ పాత్రకు శ్రీకాంత్‌ని తీసుకున్నానంటోన్న దర్శకుడు
ABN , First Publish Date - 2021-11-12T02:49:37+05:30 IST
మ్యాక్ లాబ్ ప్రైవేట్ లిమిటెడ్ పతాకంపై వడత్యా హరీష్ దర్శకత్వంలో మొహహ్మద్ జాకీర్ ఉస్మాన్ నిర్మించిన చిత్రం ‘తెలంగాణ దేవుడు’. ఉద్యమనాయకుడి పాత్రలో పబ్లిక్ స్టార్‌ శ్రీకాంత్‌ నటించగా.. జిషాన్ ఉస్మాన్ హీరోగా పరిచయం అవుతున్నారు. ఈ చిత్రం..
మ్యాక్ లాబ్ ప్రైవేట్ లిమిటెడ్ పతాకంపై వడత్యా హరీష్ దర్శకత్వంలో మొహహ్మద్ జాకీర్ ఉస్మాన్ నిర్మించిన చిత్రం ‘తెలంగాణ దేవుడు’. ఉద్యమనాయకుడి పాత్రలో పబ్లిక్ స్టార్‌ శ్రీకాంత్‌ నటించగా.. జిషాన్ ఉస్మాన్ హీరోగా పరిచయం అవుతున్నారు. ఈ చిత్రం అన్ని కార్యక్రమాలు పూర్తి చేసుకుని నవంబర్ 12న విడుదలవుతున్న సందర్భంగా.. చిత్ర దర్శకుడు మీడియాతో ముచ్చటించారు.
ఆయన మాట్లాడుతూ.. ‘‘తెలంగాణ రాష్ట్ర చరిత్రపై రెండు సినిమాలు వచ్చాయి కానీ.. ఒకటి తెలంగాణ ఉద్యమం మీద మాత్రమే వచ్చింది.. ఇంకొకటి విడుదల కాలేదని తెలిసింది. కానీ మా ‘తెలంగాణ దేవుడు’ చిత్రం చాలా సవివరంగా ఉంటుంది. 1969 నుంచి కథను తీసుకోవడం జరిగింది. ముఖ్యంగా కేసీఆర్‌గారి చిన్ననాటి నుండి మొదలుకొని తన కాలేజ్ లైఫ్, ఉద్యయం, సీఎం వరకు కథ సాగుతుంది. కనుకే కేసీఆర్‌గారి జీవితం గురించి ఫ్రెష్‌గా చెబుతున్నాననే భావించి కమర్షియల్ బయోపిక్‌లా సినిమాను చేయడం జరిగింది. ఇందులో సాంగ్స్ కూడా పెట్టడం జరిగింది. ఆయనకు సాహిత్యం పట్ల మంచి అవగాహన ఉంది. ‘జై బోలో తెలంగాణ’లో ఓ పాట కూడా రాయడం జరిగింది. అంతే కాదు ఆయన ఎక్కువగా సీనియర్ ఎన్ టి ఆర్, శోభన్‌బాబుగారి సినిమాలు కూడా చూసే వారు. అందుకే ఆ వే లో కూడా ఆయనని చూపించడం కోసం పాటలు పెట్టడం జరిగింది. చూసే ఆడియన్స్ కు కూడా మరీ డాక్యుమెంటరీ చూస్తున్న ఫీలింగ్ కలగనీయకుండా ఎక్కడ ఎమోషన్ ఉండాలి, ఎక్కడ కామెడీ ఉండాలి అని ఆలోచించి సెట్ చేయడం జరిగింది. ఆయన చిన్నప్పటి నుండి సీఎం అయ్యే వరకు ఈ చిత్రంలో చూపించడం జరిగింది. సీఎం అయిన తర్వాత నాలుగేళ్ళ పరిపాలనను జస్ట్ టచ్ చేయడం జరిగింది.
కథ రాసుకుంటున్నప్పుడే శ్రీకాంత్‌గారినే అనుకొని రాయడం జరిగింది. ఆయన ఎన్నో పొలిటికల్ బ్యాక్‌డ్రాప్ సినిమాలు చేశారు కానీ ఈ ఇలాంటి పాత్ర చేయలేదు. చాలా డిఫరెంట్‌గా ఆయనని చూపించడం జరిగింది. ఆయన హీరోయిజాన్ని కూడా ఎలివేట్ చేయడం జరిగింది. అయితే శ్రీకాంత్‌గారి చిన్నప్పటి పాత్ర అనుకోగానే జిషాన్ అందుకు పర్ఫెక్ట్ అనుకున్నాను. ఎందుకంటే శ్రీకాంత్‌గారి హైట్, కలర్ బాడీ లాంగ్వేజ్ అన్నీ.. జిషాన్ ఉస్మాన్‌లో కనిపించాయి. అందుకే జిషాన్‌ను తీసుకోవడం జరిగింది. శ్రీకాంత్‌గారు ఈ సినిమాలో కేసీఆర్‌గారిలా అసెంబ్లీ‌లో కౌంటర్లు వేయడం, తల ఊపడం, నడక లాంటివి ఇమిటేట్ చేయడం జరిగింది. అయినా కేసీఆర్‌గారి పాత్రకు ఒక డిగ్నిటీ ఉంటుంది. అందుకే శ్రీకాంత్‌గారి పర్సనాలిటీ అయితే సూట్ అవుతుందని అనిపించింది. ఫస్టాఫ్‌లో శ్రీకాంత్‌గారి పాత్రతో మొదలై.. ఫ్లాష్ బ్యాక్‌లో చిన్ననాటి పాత్ర ఉంటుంది.. అప్పుడే జిషాన్ పాత్ర మొదలవుతుంది.
ఆంధ్ర-తెలంగాణ అనే అంశాన్ని ఇందులో చాలా స్నేహపూరితంగా చెప్పడం జరిగింది. సెన్సార్ వాళ్ళు చూసి చాలా బాగా చెప్పారని అభినందించి ఒక్క కట్ కూడా చెప్పలేదు. ఈ సినిమాలో మ్యాగ్జిమమ్ సీనియర్ ఆర్టిస్టులందరూ నటించారు. బ్రహ్మనందం, అలీ, జబర్దస్త్ టీమ్‌లో ఓ నలుగురు, మధుమిత, వెంకట్, అజయ్, రఘుబాబు ఇలా చాలా మంది ఉన్నారు. వారందరూ ఏయే పాత్రల్లో నటించారో తెలుసుకోవాలంటే సినిమా చూడాల్సిందే..’’ అని తెలిపారు.