'రాధేశ్యామ్' ఒప్పుకోవడానికి కారణం ఇదే

మ్యూజిక్ సెన్షేషన్ ఎస్ ఎస్ థమన్ పాన్ ఇండియన్ సినిమా 'రాధేశ్యామ్' ఎందుకు ఒప్పుకున్నారో తాజాగా వెల్లడించారు. ప్రభాస్, పూజా హెగ్డే హీరోహీరోయిన్లుగా జిల్ ఫేం రాధా కృష్ణ కుమార్ ఎంతో ప్రతిష్ఠాత్మకంగా రూపొందిస్తున్న ఈ సినిమాకు బాలీవుడ్, కోలీవుడ్ సంగీత దర్శకులు పాటలకు సంగీతం అందించిన సంగతి తెలిసిందే. అయితే సడన్‌గా, మేకర్స్ సౌత్ వెర్షన్ బ్యాక్ గ్రౌండ్ స్కోర్ అందించే బాధ్యత మాత్రం థమన్‌కు అప్పగించారు. బాలీవుడ్‌లో మూడు సినిమాలు చేసిన ఈ మ్యూజిక్ డైరెక్టర్..అక్కడ కల్చర్ నచ్చకనే కంటిన్యూ కాలేకపోయాయని స్వయంగా వెల్లడించారు.

సాంగ్స్ ఒకరు, బీజీఎం ఒకరు ఎలా చేస్తారంటూ కామెంట్స్ చేశారు. అలా చెప్పిన కొన్ని రోజులకే  'రాధేశ్యామ్' చిత్రానికి కేవలం బీజీఎం అందించేందుకు ఒప్పుకున్నారు. తాజాగా ఇచ్చిన ఓ ఇంటర్వ్యూలో దీనికి కారణం ఏంటో తెలిపారు థమన్. 'అఖండ' చిత్రం తర్వాత నా నుండి ప్రతి ఒక్కరు మాస్ బీట్స్‌ను ఆశిస్తున్నారు. నేనిస్తున్న బీజీఎం లౌడ్‌గా ఉంటుంది. మాస్ యాక్షన్ సన్నివేశాలకు మాత్రమే థమన్ సెట్ అవుతాడని డిసైడైపోయారు. నాపై ఉన్న ఆ ఇమేజ్ మార్చుకోవాలనే ఉద్దేశ్యంతో 'రాధేశ్యామ్' సినిమాకు బీజీఎం అందించేందుకు సైన్ చేశాను.. అని తెలిపారు. మరి థమన్ మీద ఉన్న ఆ ఇమేజ్‌ను 'రాధేశ్యామ్'తో తుడిచేస్తారా లేదా చూడాలి.