భాగ్యరాజ్‌ వర్సెస్ సెల్వమణి: 24న తమిళ దర్శకుల సంఘం ఎన్నికలు

Twitter IconWatsapp IconFacebook Icon
భాగ్యరాజ్‌ వర్సెస్ సెల్వమణి: 24న తమిళ దర్శకుల సంఘం ఎన్నికలు

తమిళనాడు చలనచిత్ర దర్శకుల సంఘం ఎన్నికలు ఈ నెల 24న జరుగనున్నాయి. దీనికి సంబంధించి పోలింగ్‌ ఉదయం 9 నుంచి సాయంత్రం 5 గంటల వరకు జరుగనుంది. ఎన్నికల అధికారిగా న్యాయవాది సెంథిల్‌నాధన్‌ వ్యవహరిస్తారు. అయితే, ఈ ఎన్నికల్లో దర్శకులు కె.భాగ్యరాజ్‌, ఆర్‌.కె. సెల్వమణి సారథ్యంలోని రెండు ప్యానెళ్ల సభ్యులు పోటీపడుతున్నారు. ఇప్పటికే కె. భాగ్యరాజ్‌ టీం తరపున ఉపాధ్యక్ష పదవులకు పోటీ చేసిన దర్శకులు ఆర్‌.మాధేష్‌, ఎస్‌.ఎళిల్‌ ఏకగ్రీవంగా ఎన్నికయ్యారు. మిగిలిన పదవులకు ఈ నెల 24 సోమవారం పోలింగ్‌ జరుగనుంది. ఇరుజట్ల తరపున పోటీ చేసే అభ్యర్థుల వివరాలను పరిశీలిస్తే...


కె.భాగ్యరాజ్‌ పానల్‌: కె.భాగ్యరాజ్‌ (అధ్యక్షుడు),ఆర్‌.పార్తీబన్‌(కార్యదర్శి), వెంకట్‌ప్రభు (కోశాధికారి), సంయుక్త కార్యదర్శులు: రాజా కార్తీక్‌, విరుమాండి, జగదీశన్‌, జెనీఫర్‌ జూలియట్‌.. కార్యనిర్వాహక సభ్యులు: ఆర్‌.పాండ్యరాజన్‌, మంగై అరిరాజన్‌, వేల్‌ మురుగన్‌, శశి, వేల్‌మురుగన్‌, సాయిరమణి, నవీన్‌, శిబి, నాగేంద్రన్‌ జగన్‌, శశి, వి.ప్రభాకర్‌, బాలశేఖర్‌.


ఆర్‌కే సెల్వమణి ప్యానల్‌: ఆర్‌కే సెల్వమణి (అధ్యక్షుడు), ఆర్‌వీ ఉదయకుమార్‌ (కార్యదర్శి), పేరరసు (కోశాధికారి), సంయుక్త కార్యదర్శులు: సుందర్‌.సి, మురుగదాస్‌, లింగుస్వామి, ఏకంబవాణన్.. కార్యనిర్వాహక సభ్యులు: రమేష్‌ఖన్నా, మనోజ్‌ కుమార్‌, మనోబాలా, శరణ్‌, తిరుమలై, ఎ.వెంకటేష్‌, రవిమారియ, ఆర్‌.కన్నన్‌, ముత్తు విడుగు, నంబి, రమేష్‌ ప్రభాకర్‌, క్లారా.

AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.