అమ్మగా అక్కినేని అమల.. అమ్మ పాటే ఆధారమంటోన్న దర్శకుడు

Twitter IconWatsapp IconFacebook Icon
అమ్మగా అక్కినేని అమల.. అమ్మ పాటే ఆధారమంటోన్న దర్శకుడు

సీనియర్‌ నటి అమల, యంగ్‌ హీరో శర్వానంద్‌ కాంబినేషన్‌లో తెలుగులో ‘ఒకే ఒక జీవితం’, తమిళంలో ‘కణం’ పేరుతో రూపొందిన చిత్ర ప్రమోషన్‌ కార్యక్రమాల్లో భాగంగా అమ్మ పాటను తాజాగా రిలీజ్‌ చేశారు. ఈ పాట ప్రతి ఒక్కరి గుండెలను పిండేసేలా ఉంది. జేక్స్‌ బిజోయ్‌ సంగీత స్వరాలు సమకూర్చగా, ఎమోషనల్‌గా హృదయాన్ని హత్తుకునేలా సాగుతుంది. సిధ్‌ శ్రీరామ్‌ తన మనోహరమైన గాత్రంతో ప్రేక్షకులను మరో ప్రపంచానికి తీసుకెళ్ళేలా చేశారు. డ్రీమ్‌ వారియర్‌ పతాకంపై నిర్మించిన ఈ చిత్రం అన్ని కార్యక్రమాలను పూర్తి చేసుకుని విడుదలకు సిద్ధంగా ఉంది. శర్వానంద్‌ తల్లిగా అక్కినేని అమల నటించారు. రీతూవర్మ హీరోయిన్‌. తల్లీకొడుకుల సెంటిమెంట్‌తో సాగే ఫిక్షన్‌ డ్రామా కథతో ఈ చిత్రం రూపొందింది. 


తల్లి జీవించివున్న సమయంలో ఏమాత్రం పట్టించుకోని కొడుకు... ఆమె దూరమైన తర్వాత అమ్మ ప్రేమకోసం పరితపించే కుమారుడుగా శర్వానంద్‌ నటించారు. ఈ చిత్ర కథకు అమ్మ పాటే ఆధారమని దర్శకుడు శ్రీకార్తిక్‌ అంటున్నారు. ఈ పాట గురించి దర్శకుడు మాట్లాడుతూ.. గతంలో తమిళ ‘మన్నన్‌’ చిత్రంలోని ‘అమ్మ’ పాట, ఆ తర్వాత ‘వేలైయిల్లా పట్టాదారి’ చిత్రంలోని ‘అమ్మా.. అమ్మా...’ అనే పాటల తర్వాత ఈ చిత్రంలోని అమ్మ పాటకు మంచి ఆదరణ లభించిందన్నారు. నిజ జీవితంలో అమ్మను కోల్పోయిన వారికి ఈ పాట ఒక జోల పాటగా ఉంటుందని, మిగిలిన వారికి ఆత్మవిశ్వాసం కలిగించేలా ఉంటుందని వివరించారు.


AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.