నయనతార షాకింగ్ నిర్ణయం?

Twitter IconWatsapp IconFacebook Icon
నయనతార షాకింగ్ నిర్ణయం?

కొంతకాలంగా సౌత్ లేడీ సూపర్ స్టార్ నయనతార, దర్శకుడు విఘ్నేశ్ శివన్ సహజీవనం చేస్తున్నారు. ఈ ఇద్దరూ త్వరలో పెళ్ళి చేసుకోబోతున్నారని ఎప్పటి నుంచో టాక్ వినిపిస్తోంది. అయితే ఈ వార్తలకు వీరి నుంచి ఎలాంటి రెస్పాన్స్ రాలేదు. ఇటీవల ఒక ఇంటర్వ్యూలో నయన్ ఆ వార్తలకు ఫుల్ స్టాప్ పెట్టింది. ఎంగేజ్ మెంట్ జరిగిందని త్వరలోనే పెళ్ళిచేసుకోబోతున్నట్టు ప్రకటించింది. విఘ్నేశ్ శివన్ నుంచి కూడా దానికి క్లారిటీ వచ్చింది. పెళ్లి ఎప్పుడో అన్నది టైమ్ రాగానే చెబుతామని .. ఇద్దరూ చెట్టపట్టాలేసుకొని తిరుగుతున్నారు. రీసెంట్ గా ఈ ఇద్దరూ చెన్నైలోని ఒక టెంపుల్ లో ప్రత్యేక పూజలు నిర్వహించారు. విఘ్నేశ్ నయన్ నుదుటన తిలకం దిద్దడంతో రహస్యంగా వివాహం చేసుకున్నారని వార్త స్ప్రెడ్ అయింది. అయితే ఈ జంట నుంచి ఎలాంటి వివరణ రాలేదు. కనీసం ఈ వార్తల్ని వారు ఖండించలేదు. 


ఇదిలా ఉంటే తాజాగా నయనతారకు సంబంధించిన మరో వార్త సోషల్ మీడియాలో తెగ వైరల్ అవుతోంది. ఆమె సరోగసీ ద్వారా ఒక బిడ్డను కనబోతోందని వార్తలొస్తున్నాయి. ఆ సందర్బంగానే చెన్నైలో ప్రత్యేక పూజలు నిర్వహించారని అంటున్నారు. అయితే ఈ వార్తల్లో నిజానిజాలేంటో తెలియాలంటే.. ఇద్దరిలో ఎవరో ఒకరు స్పందించాలి. అయితే ఈ ఇద్దరూ త్వరలో పెళ్ళి చేసుకుంటారు కాబట్టి.. వారికి ఆ అవసరం లేదని కొందరంటున్నారు. ఏది ఏమైనా సరోగసీ ద్వారా నయన్ సంతానాన్ని కనబోతోందనే వార్త మాత్రం సౌత్ ఇండస్ట్రీలో హాట్ టాపిక్ గా మారింది. మరి ఈ వార్తలపై ఆ ప్రేమికులిద్దరూ ఏమంటారో చూడాలి. 

AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.