విజయ్ దేవరకొండ‌తో ఆ సినిమా రీమేక్‌లో నటించాలనుంది: సారా అలీ ఖాన్

ఈ ఏడాది సారా అలీఖాన్‌కు బాగా కలిసొచ్చింది. ఆమె హీరోయిన్‌గా నటించిన ‘‘ అత్రాంగి రే’’  సినిమా అభిమానుల మదిని దోచింది. ఈ చిత్రంలో రింకు అనే పాత్రను పోషించింది. ఆనంద్ ఎల్. రాయ్ దర్శకత్వం వహించారు. ధనుష్, అక్షయ్ కుమార్ కీలక పాత్రలు పోషించారు. ఈ సినిమాలో  ఆమె నటనకు అభిమానులందరూ ఫిదా అయ్యారు. తాజాగా ఆమె మీడియాకు ఇంటర్వ్యూ ఇచ్చింది. ఆ ఇంటర్వ్యూలో ఆసక్తికర విషయాలను పంచుకుంది. 

కరణ్ జోహార్ తెరకెక్కించిన ‘‘ కుచ్ కుచ్ హోతా హై ’’ రీమేక్‌లో నటించాలని ఉందని ఆమె చెప్పింది. ఆ రీమేక్‌‌ను విజయ్ దేవరకొండ, జాన్వీకపూర్‌లతో చేయాలనుందని స్పష్టం చేసింది. జాన్వీ కపూర్, విజయ్ దేవరకొండ‌లతో ఏ సినిమాలో నటిస్తారని  అడగగా ఆమె సమాధానమిచ్చింది. ‘‘ కరణ్ జోహార్ తెరకెక్కిస్తే ‘ కుచ్ కుచ్ హోతా హై’ రీమేక్‌లో వీరందరితో కలిసి నటిస్తాను. జాన్వీ, విజయ్ కూడా ఈ సినిమా చేయడానికి తప్పకుండా ఆసక్తి చూపిస్తారు ’’ అని సారా అలీఖాన్ చెప్పింది.  

విజయ్ దేవరకొండ హాట్‌గా ఉంటాడని ఒక ఇంటర్వ్యూలో  సారా అలీ ఖాన్ గతంలోనే చెప్పింది. ముంబైలో ‘లైగర్’ చిత్రీకరణ సందర్భంగా రౌడీభాయ్‌తో సెల్ఫీని  కూడా తీసుకుంది.