‘రంగ్ దే’ మూవీ రివ్యూ
ABN , First Publish Date - 2021-03-26T18:20:50+05:30 IST
పక్క పక్క ఇళ్లల్లో కలిసి పెరుగుతారు. చిన్నప్పట్నుంచి అర్జున్‌ అంటే అనుకు చాలా ఇష్టం. ఆ ఇష్టం పెద్దయ్యేసరికి ప్రేమగా మారుతుంది. అలాగే చిన్నప్పుడు అను అంటే అర్జున్‌కి క్రష్‌ ఉన్నప్పటికీ అనుని చూసి నేర్చుకో అంటూ తండ్రి అంటూ ఉండటంతో క్రష్‌ కాస్త కోపం.. పెద్దయ్యేసరికి కోపం కాస్త ద్వేషంగా మారుతుంది.
బ్యాన‌ర్‌: సితార ఎంట‌ర్‌టైన్‌మెంట్స్
న‌టీన‌టులు: నితిన్, కీర్తిసురేష్, నరేష్, కౌస‌ల్య, రోహిణి, బ్రహ్మాజీ, అభినవ్ గోమటం, వెన్నెల కిషోర్‌, సుహాస్‌, వినీత్‌, స‌త్యం రాజేష్ త‌దిత‌రులు
దర్శ‌క‌త్వం: వెంకీ అట్లూరి
నిర్మాత: సూర్య‌దేవ‌ర నాగ‌వంశీ
సినిమాటోగ్రఫీ: పీసీ శ్రీరామ్‌
సంగీతం: దేవిశ్రీ ప్రసాద్
ఎడిటింగ్‌: న‌వీన్ నూలి
గ‌త ఏడాది భీష్మ‌తో నితిన్ సూప‌ర్‌హిట్ ద‌క్కించుకున్నాడు. తర్వాత క‌రోనా ప్ర‌భావం మొద‌లు కావ‌డంతో సినిమాల‌కు గ్యాప్ వచ్చిన సంగ‌తి తెలిసిందే. డిసెంబ‌ర్‌లోనే థియేట‌ర్స్ ఓపెన్‌కు అనుమ‌తి ఇచ్చిన జ‌న‌వ‌రి నుంచే థియేట‌ర్స్‌లో సినిమాల‌కు ఊపు వ‌చ్చింది. ఈ క్ర‌మంలో నితిన్ చెక్ సినిమాతో ఫిబ్ర‌వ‌రిలో ప్రేక్ష‌కుల ముందుకు వ‌చ్చాడు. సినిమా ఆశించిన స్థాయిలో స‌క్సెస్ కాలేదు. అయితే వ‌రుస సినిమాల‌ను చేస్తూ వచ్చిన నితిన్.. కాస్త గ్యాప్‌తోనే రంగ్‌దే సినిమాతో ప్రేక్ష‌కుల ముందుకు వ‌చ్చాడు. కీర్తిసురేష్ హీరోయిన్‌గా న‌టించింది. అలాగే వెంకీ అట్లూరి దర్శ‌క‌త్వంలో తెర‌కెక్కిన ఈ సినిమా టీజర్, సాంగ్స్, ట్రైల‌ర్ బావుండ‌టంతో సినిమాపై మంచి అంచ‌నాలు నెల‌కొన్నాయి. మ‌రి రంగ్‌దే సినిమా ప్రేక్ష‌కుల‌ను ఆక‌ట్టుకుందా? లేదా? అనే విష‌యాలు తెలియాలంటే సినిమా చూడాల్సిందే.
కథ:
అర్జున్‌(నితిన్), అనుపమ(కీర్తిసురేష్) పక్క పక్క ఇళ్లల్లో కలిసి పెరుగుతారు. చిన్నప్పట్నుంచి అర్జున్‌ అంటే అనుకు చాలా ఇష్టం. ఆ ఇష్టం పెద్దయ్యేసరికి ప్రేమగా మారుతుంది. అలాగే చిన్నప్పుడు అను అంటే అర్జున్‌కి క్రష్‌ ఉన్నప్పటికీ అనుని చూసి నేర్చుకో అంటూ తండ్రి అంటూ ఉండటంతో క్రష్‌ కాస్త కోపం.. పెద్దయ్యేసరికి కోపం కాస్త ద్వేషంగా మారుతుంది. అయితే తండ్రిపై ఉన్న భయం, గౌరవంతో అను ముందు తన కోపాన్ని అర్జున్‌ వ్యక్తం చేయడు. అను, అర్జున్‌ ఇద్దరూ ఒకే కాలేజ్‌లో ఇంజనీరింగ్‌ పూర్తి చేస్తారు. పై చదువుల కోసం జీమేట్‌ ఎగ్జామ్‌ రాస్తారు. అను, అర్జున్‌ ఇద్దరూ ఒకే కాలేజీకి అప్లయ్‌ చేస్తారు. ఒకరు డ్రాప్‌ అయితేనే మరొకరికి ఆ కాలేజ్‌లో సీటు వస్తుందని తెలియడంతో అర్జున్‌.. అనుకి పెళ్లి చేసి పంపేస్తే తనకు దుబాయ్‌ వెళ్లడానికి రూట్‌ క్లియర్‌ అవుతుందని భావించి ఓ చిన్న గేమ్‌ ఆడుతాడు. అయితే విషయం తెలుసుకున్న అను మరో ప్లాన్‌ వేస్తుంది. ఫిక్స్‌ అయిన పెళ్లిని క్యాన్సిల్‌ చేసుకుని అర్జున్‌ని పెళ్లి చేసుకుంటుంది. దాంతో కథ మరో మలుపు తిరుగుతుంది. అర్జున్‌, అను విడిపోవాలనుకుంటారు. అసలు వాళ్లెందుకు ఆ నిర్ణయం తీసుకుంటారు? చివరకు అను ప్రేమను అర్జున్‌ అర్థం చేసుకుంటాడా? లేదా? ఇద్దరూ ఒక్కటవుతారా? అనే విషయం తెలియాలంటే సినిమా చూడాల్సిందే..
విశ్లేషణ:
అయితే, అన్నీ పాత విషయాలను కలిపి కలర్‌ఫుల్ గా చూపించే ప్రయత్నం చేశారు వెంకీ అట్లూరి. అతనికంటూ ఉన్న ఫ్యామిలీ ప్లస్‌ సెంటిమెంట్‌, ప్లస్‌ యూత్‌ఫుల్‌నెస్‌ ప్లస్‌ క్రేజీ మార్క్ ఇందులోనూ కనిపించింది. దేవిశ్రీ ప్రసాద్ ట్యూన్స్ సినిమాకు హైలైట్‌. అన్నీ యూత్‌ మళ్లీ మళ్లీ పాడుకునేలాగానే ఉన్నాయి. వెన్నెల కిశోర్‌, బ్రహ్మాజీ కామెడీ మెప్పిస్తుంది. కీర్తీ సురేష్‌ కొన్నిచోట్ల బావున్నా, నవ్వినప్పుడు ఆర్టిఫిషియల్‌గా ఉంది. కానీ ప్రెగ్నెంట్‌ విమెన్‌గా కీర్తీ పెర్ఫార్మెన్స్ బావుంది. చాన్నాళ్ల తర్వాత వినీత్‌ తెలుగు స్క్రీన్‌ మీద కనిపించారు. కెమెరా సినిమాకు హైలైట్‌. రంగ్ దే అనే టైటిల్‌ని సపోర్ట్ చేసేలా ఉంది సినిమాటోగ్రఫీ. కీర్తీ సురేష్‌ సోలో ఫ్రేమ్స్ వచ్చిన ప్రతిసారీ స్క్రీన్‌ మీద ప్లెజెంట్‌ ఎక్స్ పోజర్‌ మంచి ఫీల్‌నిచ్చింది.
సినిమాలో కొన్ని డైలాగులు హార్ట్ టచింగ్‌గా ఉన్నాయి. ఇంకొన్ని సీన్స్ ని వెంకీ అట్లూరి డీల్‌ చేసిన విధానం బావుంది. డీఎస్‌పీ రీరికార్డింగ్‌ కూడా చాలా చోట్ల సీన్లకు ఎలివేషన్‌ తెచ్చింది. అభినవ్ గోమటం, సుహాస్‌ కామెడీ కూడా బావుంది.