Brahmastra: ఆకట్టుకుంటోన్న ‘దేవ దేవ’ సాంగ్

Twitter IconWatsapp IconFacebook Icon
Brahmastra: ఆకట్టుకుంటోన్న దేవ దేవ సాంగ్

స్టార్ స్టూడియోస్, ధర్మ ప్రొడక్షన్స్, ప్రైమ్ ఫోకస్ మరియు స్టార్‌లైట్ పిక్చర్స్ నిర్మించిన భారీ చిత్రం ‘బ్రహ్మాస్త్ర: మొదటి భాగం - శివ’ (BRAHMASTRA Part One: Shiva). పాన్ ఇండియా చిత్రంగా రూపొందిన ఈ చిత్రం సెప్టెంబర్ 9న ప్రపంచవ్యాప్తంగా గ్రాండ్‌గా విడుదల కాబోతోంది. అమితాబ్ బచ్చన్, రణబీర్ కపూర్, ఆలియా భట్, మౌని రాయ్, నాగార్జున అక్కినేని ప్రధాన తారాగణంగా తెరకెక్కిన ఈ చిత్రంలోని ‘దేవ దేవ’ అనే సాంగ్‌ను సోమవారం మేకర్స్ విడుదల చేశారు. ఇప్పటికే ఈ చిత్రం నుండి విడుదలైన ‘కుంకుమల’ సాంగ్ చార్ట్ బస్టర్‌గా నిలవగా.. ఇప్పుడు విడుదల చేసిన ‘దేవ దేవ’ (Deva Deva) సాంగ్ కూడా అప్పుడు ట్రెండ్ అవుతోంది. ఆధ్యాత్మికంగా అలాగే ఉల్లాసభరితంగా సాగిన ఈ పాటను ప్రీతమ్ (Pritam) స్వరపరచగా.. చంద్రబోస్ (Chandrabose) సాహిత్యం అందించారు. శ్రీరామ చంద్ర (Sreerama Chandra), జోనితా గాంధీ (Jonita Gandhi) ఆలపించారు. 


పాట విడుదల సందర్భంగా రణబీర్ కపూర్ మాట్లాడుతూ.. “నాకు ఈ పాట చాలా ఇష్టం. వ్యక్తిగతంగా ఈ పాట నా మనసుకు చాలా దగ్గరగా ఉంటుంది. ఆధ్యాత్మికంగా శక్తివంతమైన అనుభూతిని కలిగిస్తుంది. ఈ పాట విన్నాక నేను ఎలా అయితే ఫీలయ్యానో.. అందరూ అలానే ఫీలవుతారని భావిస్తున్నాను..’’ అని తెలిపారు. దర్శకుడు అయాన్ ముఖర్జీ మాట్లాడుతూ.. “పాటను విడుదల చేయడానికి శ్రావణ సోమవారం కంటే మంచి సమయం ఉందని నేను అనుకోను. ఈ శుభ సందర్భంలో విడుదలైన ఈ పాట.. రణబీర్ పాత్రను తెలుపుతూ.. ఆధ్యాత్మిక దృశ్యాలతో ఉంటుంది. శివ, అతని అగ్ని శక్తిని అన్వేషిస్తుంది. ‘కుంకుమల’ పాటకు చాలా మంచి స్పందన వచ్చింది. ఈ పాట కూడా పెద్ద హిట్టవుతుందని భావిస్తున్నాను.’’ అని తెలిపారు. శాస్త్రీయ మరియు భక్తి అంశాలకు ప్రాముఖ్యత ఇస్తూ ఈ పాటని కంపోజ్ చేయడం జరిగిందని, ప్రతి ఒక్కరికీ ఈ పాట మరో ప్రపంచానికి వెళ్లిన అనుభూతిని ఇస్తుందని సంగీత దర్శకుడు ప్రీతమ్ తెలిపారు.


AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.