తన సినిమాకి తానే గెస్ట్‌గా రాజమౌళి

తన సినిమాకి తానే గెస్ట్‌గా రాబోతున్నారట దర్శక ధీరుడు ఎస్ ఎస్ రాజమౌళి. ఆయన దర్శకత్వంలో ప్రభాస్ హీరోగా 'ఛత్రపతి' సినిమా రూపొంది భారీ విజయాన్ని అందుకున్న సంగతి తెలిసిందే. ఈ సినిమా అటు రాజమౌళి, ఇటు ప్రభాస్ కి మైల్ స్టోన్ మూవీగా నిలిచింది. ఈ సినిమాను హిందీలో రీమేక్ చేస్తున్నట్టు చాలా రోజుల క్రితమే ప్రకటన వచ్చింది. ప్రముఖ దర్శకుడు వి.వి.వినాయక్ దర్శకత్వంలో బెల్లంకొండ సాయి శ్రీనివాస్ హీరోగా ఈ రీమేక్ రూపొందనుంది. వీరిద్దరికి హిందీలో ఇది డెబ్యూ సినిమా. ఈపాటికే సెట్స్ మీదకి రావాల్సి ఉండగా కరోనా సెకండ్ వేవ్ కారణంగా ప్రారంభమవలేదు. కాగా జూలై 16న 'ఛత్రపతి' హిందీ రీమేక్‌ను ఘనంగా ప్రారంభించబోతున్నారని విశ్వసనీయ వర్గాల ద్వారా అందుతున్న సమాచారం. ఈ ప్రారంభోత్సవానికి దర్శకుడు రాజమౌళి, స్టార్ ప్రొడ్యూసర్ ఏ.ఎం.రత్నం సహా పలువురు సినీ ప్రముఖులు ముఖ్య అథిదులుగా విచ్చేయనున్నారని టాక్ వినిపిస్తోంది.