Puri Jagannath: 'ఆటోజానీ' పై ఫ్యాన్స్‌లో కొత్త ఆశలు..!

Twitter IconWatsapp IconFacebook Icon
Puri Jagannath: ఆటోజానీ పై ఫ్యాన్స్‌లో కొత్త ఆశలు..!

మెగాస్టార్ చిరంజీవి (Chiranjeevi), డేరింగ్ డైరెక్టర్ పూరి జగన్నాథ్ (Puri Jagannath) కాంబినేషన్‌లో సినిమా అంటే అటు మెగా అభిమానుల్లో ఇటు ప్రేక్షకుల్లో కలిగే ఉత్సాహం అంతా ఇంతా కాదు. ఒక్కసారి ఈ కాంబోలో సినిమాను ప్రకటించాలే గానీ, మొదలయ్యే అంచనాలు కూడా ఊహించడం కష్టం. గతంలో ఓ సారి మెగాస్టార్, పూరి కలయికలో 'ఆటోజానీ' (Autojaani) అనే టైటిల్‌తో సినిమా ఉండబోతుందని వార్తలు వచ్చాయి. అన్నీ అనుకున్నట్టుగా గనక జరిగి ఉంటే మెగా 150గా ఇదే ప్రాజెక్ట్ వచ్చి ఉండేది. అయితే, ఫస్టాఫ్ కథ బావుంది గానీ, సెకండాఫ్ అంతగా మెగాస్టార్‌ని ఇంప్రెస్ చేయలేకపోవడంతో ఆగిపోయిందని ఫైనల్‌గా పూరినే చెప్పారు.

ఆ తర్వాత వరుసగా మెగాస్టార్ సినిమాలను కమిటవుతూ..వాటిని పూర్తి చేసే పనిలో బిజీగా ఉన్నారు. ఇక పూరి కూడా విజయ్ దేవరకొండతో బ్యాక్ టు బ్యాక్ 'లైగర్', 'జనగణమన' సినిమాలను చేస్తూ బిజీగా ఉన్నారు. అయితే, అనూహ్యంగా మెగాస్టార్ నటిస్తున్న 'గాడ్ ఫాదర్' సినిమాలో పూరి గెస్ట్ రోల్ చేయడం అందరికీ తెలిసిందే. ఆ సమయంలోనే మళ్ళీ ఇద్దరి మధ్య 'ఆటోజానీ' సినిమా ప్రస్తావన వచ్చినట్టు తాజాగా వార్త ఒకటి సోషల్ మీడియాలో చక్కర్లు కొడుతోంది. 

'లైగర్' మూవీ ప్రీ రిలీజ్ ఈవెంట్‌కి కూడా మెగాస్టార్‌ని ముఖ్య అతిథిగా పిలిచేందుకు పూరి ప్లాన్ చేస్తున్నారట. అలాగే, ఫ్రెష్‌గా 'ఆటోజానీ' కథను మార్పులు చేర్పులు చేసి వినిపించేందుకు గట్టి ప్రయత్నాలు చేస్తున్నట్టు ఇండస్ట్రీ వర్గాలలో టాక్ వినిపిస్తోంది. ఈ టాక్ అలా బయటకు రావడంతోనే 'ఆటోజానీ' ప్రాజెక్ట్‌పై మెగా అభిమానుల్లో కొత్త ఆశలు మొదలయ్యాయని సోషల్ మీడియాలో న్యూస్ వైరల్ అవుతోంది. ఇప్పటికే, పూరీ దర్శకత్వంలో పవన్ కళ్యాణ్.. 'బద్రి', 'కెమెరా మేన్ గంగతో రాబాబు', అల్లు అర్జున్‌తో 'దేశముదురు', వరుణ్ తేజ్‌తో 'లోఫర్' సినిమాలు చేశారు. ఇక మెగా పవర్ స్టార్ రామ్ చరణ్‌ని 'చిరుత' సినిమాతో హీరోగా ఇండస్ట్రీకి పరిచయం చేసిందీ పూరీనే అని అందరికీ తెలిసిందే. ఇక చెయాల్సింది మెగాస్టార్‌తోనే. అతి త్వరలో అది కూడా నెరవేరబోతుందని ప్రస్తుతం చిరు - పూరిల మధ్య క్లోజ్‌నెస్ చూస్తుంటే అర్థమవుతుంది. చూడాలి మరి ఈ కాంబోలో మూవీ అప్‌డేట్ ఎప్పుడొస్తుందో. 

AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.