ప్రొడ్యూసర్‌, పోలీసాఫీసర్‌

ఎంతటి కష్టసాధ్యమైన పాత్రయినా తనదైన శైలిలో పండించడం నానికి కొట్టినపిండి. ఈసారి ఆయన ఒకే చిత్రంలో రెండు పాత్రలు పోషించబోతున్నారు ఒకటి తెరపైన హీరోగా, రెండోది తెరవెనుక నిర్మాతగా. ‘హిట్‌’ ఫ్రాంచైజీలో వరుసగా చిత్రాలు నిర్మిస్తున్నారు నాని. ఆ కోవలో వచ్చిన ‘హిట్‌ 2’ ఇటీవలె విడుదల అయింది. ఈ సినిమా రిలీజ్‌కు ముందు నుంచీ ‘హిట్‌ 3’లో హీరో ఎవరనే విషయం పరిశ్రమలో, ప్రేక్షకుల్లో ఆసక్తిని పెంచింది. ‘హిట్‌ 2’ రిలీజ్‌తో ఆ సస్పెన్స్‌ వీడింది. ఇందులో నాని కథానాయకుడిగా నటించబోతున్నారు. ‘హిట్‌ 2’ చిత్రం ముగింపులో ఆయన పోలీసాఫీసరు పాత్రలో ఎంట్రీ ఇచ్చారు. నాని పాత్రను పరిచయం చేసి, ‘హిట్‌: ది థర్డ్‌కేస్‌’ అనే టైటిల్‌తో సినిమాను ముగించడం ద్వారా దర్శకుడు శైలేష్‌ కొలను తన  హీరో నాని అని క్లారిటీ ఇచ్చారు. ఆయన తొలిసారి పోలీస్‌ పాత్రలో కనిపించబోతున్నారు.