ఫస్ట్ లుక్: దివ్యాంగుడిగా ప్రభుదేవా
ABN , First Publish Date - 2021-08-05T22:59:06+05:30 IST
‘ఇండియన్ మైఖేల్ జాక్సన్’గా గుర్తింపు పొందిన దర్శకనటుడు, కొరియోగ్రాఫర్ ప్రభుదేవా హీరోగా నటించే కొత్త చిత్రం టైటిల్తోపాటు ఫస్ట్లుక్ను చిత్ర యూనిట్ బుధవారం రిలీజ్ చేసింది. హీరో ప్రభుదేవా దివ్యాంగుడిగా నటిస్తున్న
‘ఇండియన్ మైఖేల్ జాక్సన్’గా గుర్తింపు పొందిన దర్శకనటుడు, కొరియోగ్రాఫర్ ప్రభుదేవా హీరోగా నటించే కొత్త చిత్రం టైటిల్తోపాటు ఫస్ట్లుక్ను చిత్ర యూనిట్ బుధవారం రిలీజ్ చేసింది. హీరో ప్రభుదేవా దివ్యాంగుడిగా నటిస్తున్న ఈ చిత్రానికి ‘పొయ్క్కాల్ గుదిరై’ అనే టైటిల్ను ఖరారు చేయగా, సంతోష్ పి. జయకుమార్ దర్శకత్వం వహిస్తున్నారు. హీరోయిన్లుగా వరలక్ష్మి శరత్ కుమార్, బిగ్బాస్ ఫేం రైజా విల్సన్ నటిస్తున్నారు. ప్రస్తుతం చెన్నైలో శరవేగంగా షూటింగ్ జరుపుకుంటున్న ఈ చిత్రం యాక్షన్ ఎంటర్టైనర్ కోణంలో తెరకెక్కిస్తుండగా మినీ స్టూడియో, డార్క్ రూమ్ పిక్చర్స్ సంయుక్తంగా భారీ బడ్జెట్తో నిర్మిస్తున్నాయి.
కాగా, ఈ చిత్ర దర్శకుడు సంతోష్ గతంలో నటుడిగా కూడా ప్రేక్షకులకు పరిచయం. ఈయన గతంలో ‘హరహర మహాదేవకి’, ‘ఇరుట్టు అరైయిల్ మురట్టు కుత్తు’, ‘గజినీకాంత్’ వంటి చిత్రాలను తెరకెక్కించారు. అలాగే, ‘ఇరండామ్ కుత్తు’ అనే చిత్రం ద్వారా నటుడిగా కోలీవుడ్కు పరిచయమయ్యారు. ఈ సినిమాకు డి.ఇమ్మాన్ సంగీతం సమకూరుస్తున్నారు. ప్రస్తుతం ఈ చిత్ర ఫస్ట్ లుక్ పోస్టర్ నెటిజన్లను బాగా ఆకర్షిస్తోంది.