Ponniyin Selvan 1: మిక్స్‌డ్ టాక్.. అయినా 3 రోజుల్లో.. 230 కోట్లా?

Twitter IconWatsapp IconFacebook Icon
Ponniyin Selvan 1: మిక్స్‌డ్ టాక్.. అయినా 3 రోజుల్లో.. 230 కోట్లా?

లెంజెండరీ దర్శకుడు మణిరత్నం (Mani Ratnam) కలల ప్రాజెక్టు ‘పొన్నియిన్ సెల్వన్’ (Ponniyin Selvan). దాదాపు నాలుగు దశాబ్దాల కలని తాజాగా నేరవేర్చుకున్నాడు ఈ దర్శకుడు. రెండు భాగాలుగా రానున్న ఈ మూవీని లైకా ప్రొడక్షన్స్, మద్రాస్ టాకీస్ సంయుక్తంగా నిర్మించాయి. కల్కి కృష్ణమూర్తి రాసిన నవల పొన్నియిన్ సెల్వన్‌ను ఆధారంగా తెరకెక్కిన ఈ చిత్రం మొదటి భాగం ‘పొన్నియిన్ సెల్వన్ 1’ సెప్టెంబర్ 30న ప్రేక్షకుల ముందుకు వచ్చింది. ఈ మూవీ పాన్ ఇండియా సినిమాగా విడుదలైన ఈ మూవీ మిక్స్‌డ్ టాక్ వచ్చినప్పటికి ప్రపంచవ్యాప్తంగా (worldwide) భారీ వసూళ్లను కొల్లగొడుతుంది. అంతేకాకుండా.. ప్రపంచవ్యాప్తంగా 2022లో అత్యధిక ఓపెనింగ్ వసూళ్లు సాధించిన చిత్రంగా నిలిచింది.


కాగా.. ఈ మూవీ తాజాగా మరో ఫీట్‌ని సాధించింది. ‘పీఎస్ 1’ కేవలం మూడు రోజుల్లోనే రూ.230 కోట్ల కలెక్షన్లు సాధించింది. ఈ విషయాన్ని తెలుపుతూ ప్రముఖ సినీ విశ్లేషకుడు రమేశ్ బాలా ట్వీట్ చేశాడు. ఆయన చేసిన ట్వీట్‌లో.. ‘మూడు రోజుల మొదటి వారాంతంలో.. పీఎస్ 1 ప్రపంచ బాక్సాఫీస్ వద్ద రూ. 230 కోట్లు సాధించింది’ అని రాసుకొచ్చాడు. కాగా.. ఈ మూవీ విడుదలైన మొదటి రోజే.. తమిళనాడులో రూ.25.86కోట్లు, తెలుగు రాష్ట్రాల్లో రూ.5.93కోట్లు, కర్ణాటకలో రూ.5కోట్లు, కేరళలో రూ.3.7కోట్లు, రెస్టాఫ్ ఇండియాలో రూ.3.5కోట్లు, ఓవర్సీస్‌లో రూ.35కోట్లకు పైగా గ్రాస్ వసూళ్లను సాధించిందని తెలుస్తోంది. ముఖ్యంగా ఈ సినిమాకి ఓవర్సీస్‌లో అద్భుతమైన స్పందన లభిస్తోంది. అందుకే కేవలం మూడు రోజుల్లోనే 3.3 మిలియన్ డాలర్ల వసూళ్లని రాబట్టగలిగింది. దీంతో.. మిక్స్‌డ్ టాక్ వచ్చిన ఈ చిత్రం ఇలా అద్భుతమైన కలెక్లన్లతో దూసుకెళుతుందేంటని నెటిజన్లు ఆశ్చర్యపోతున్నారు. అంతేకాకుండా.. ఈ కలెక్షన్ల లెక్కలు నిజమేనా లేక నిర్మాతలు కావాలనే ఇలాంటి లెక్కలను చెబుతున్నారా అని చర్చించుకుంటున్నారు. కాగా.. ఈ మూవీలో ఐశ్వర్య రాయ్, త్రిష, చియాన్ విక్రమ్, కార్తి, జయం రవి, ఐశ్వర్య లక్ష్మీ, శోభితా ధూళిపాళ తదితరులు కీలక పాత్రలు పోషించారు.


AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.