'నవరస' రిలీజ్ డేట్ ఫిక్స్.. ఆకట్టుకుంటున్న టీజర్

Twitter IconWatsapp IconFacebook Icon
నవరస  రిలీజ్ డేట్ ఫిక్స్.. ఆకట్టుకుంటున్న టీజర్

తొమ్మిది క‌థ‌ల స‌మాహారంగా రూపొందుతూ ప్రారంభం నుంచి అంద‌రిలో ఆస‌క్తి క‌లిగించిన అంథాల‌జీ ‘న‌వ‌ర‌స‌’. ఏస్ డైరెక్టర్‌ మ‌ణిర‌త్నంతో పాటు ప్రముఖ రైట‌ర్, ఫిల్మ్ మేక‌ర్ జ‌యేందర్‌ పంచ‌ప‌కేశ‌న్ స‌మ‌ర్పణలో ఈ అంథాల‌జీ ఫిల్మ్ రూపొందింది. మాన‌వ జీవితంలోని భావోద్వేగాలు తొమ్మిది. వీటిని న‌వ‌ర‌సాలు అని కూడా అంటాం.  (కోపం, ధైర్యం, క‌రుణ‌, అస‌హ్యం, భ‌యం, వినోదం, ప్రేమ‌, శాంతి, ఆశ్చ‌ర్య‌పోవ‌డం) వీటి ఆధారంగా ‘న‌వ‌ర‌స‌’ రూపొందింది. ప్రముఖ డిజిట‌ల్ సంస్థ నెట్‌ఫ్లిక్స్ ఈ అంథాల‌జీని ప్రపంచ వ్యాప్తంగా 190 దేశాల్లో ఆగ‌స్ట్ 6న విడుద‌లచేస్తోంది. టాప్‌ మోస్ట్‌ నటీనటులు, దర్శకులు, సంగీత దర్శకులు, రచయితలు, నిర్మాతలు ఇతర సాంకేతిక నిపుణుల కలిసి ఈ అంథాలజీకి జీవం పోయడమే కాకుండా సాటిలేని ఓ కలను సాకారం చేశారు. తమిళ సినిమా రంగంలోని అద్భుతమైన సృజనాత్మకతను కలిగిన వారందరూ ఈ సినిమాకు పనిచేశారు. కొవిడ్‌ సమయంలో ఇబ్బందులు పడ్డ సినీ పరిశ్రమలోని కార్మికుల శ్రేయస్సు కోసం ఈ ఫిల్మ్‌ ద్వారా వచ్చిన ఆదాయాన్ని వినియోగించనున్నారు. ప్రేక్షకులు, విమర్శకుల ప్రశంసలు అందుకున్న .. తొమ్మిది మంది స్టార్స్‌తోపాఉ అరవింద్ స్వామి, బెజోయ్ నంబియార్, గౌతమ్ వాసుదేవ్ మీనన్, కార్తీక్ నరేన్, కార్తీక్ సుబ్బరాజ్, ప్రియదర్శన్, రతీంద్రన్ ప్రసాద్, సర్జున్ మరియు వసంత సాయి దర్శకులుగా తిరుగులేని విజన్‌తో 'నవరస'లోని ప్రతి రసాన్ని రూపొందించారు. శుక్రవారం'నవరస' టీజర్‌ను విడుదల చేశారు. ఈ టీజర్‌ను భరత్‌ బాలా రూపొందించారు. 

ఈ సందర్భంగా మణిరత్నం, జయేంద్ర పంచపకేశన్‌ మాట్లాడుతూ "పాండమిక్‌ నేపథ్యంలో నిధుల సమీకరణ చేయాలని చాలా రోజులుగా అనుకుంటున్నాం. ఏదో ఒకటి చేయాలని అనుకున్నాం. కొవిడ్‌ పరిస్థితుల్లో సినీ పరిశ్రమ చాలా ఘోరంగా దెబ్బతింది. ఇలాంటి సిట్యువేషన్స్‌లో సినీ పరిశ్రమలోని కార్మికుల కోసం ఏదో ఒకటి చేయాలని అనుకున్నాం. అలాంటి బలమైన కోరికలో నుంచి నవరస పుట్టింది. ఈ ఆలోచనను ఇండస్ట్రీలోని ఇతర నటీనటులు, దర్శకులు, సాంకేతిక నిపుణులకు తెలియజేశాం. అందరూ వెంటనే తమ సుముఖతను తెలియజేశారు. కొవిడ్‌ ఎక్కువగా ఉన్న నేపథ్యంలో ఈ ప్రాజెక్ట్‌ను ముందుకు తీసుకెళ్లాల్సి వచ్చింది. మా టీమ్స్‌లో సభ్యులందరూ చాలా కఠిన పరిస్థితులను ఎదుర్కొన్నారు. కొవిడ్‌ నిబంధనలను పాటిస్తూ ఈ అంథాలజీలోని తొమ్మిది భాగాలను విజయవంతంగా పూర్తి చేశాం. ఇండస్ట్రీ కోసం ప్యాషన్‌, కమిట్‌మెంట్‌తో మేం చేసిన ఈ ప్రయత్నాన్ని 190 దేశాల్లోని ఆడియెన్స్‌ వీక్షించనున్నారు. ఈ ప్రాజెక్ట్స్ కోసం అందరూ మనసు పెట్టి కష్టపడ్డారు. అందరికీ గర్వకారణంగా నిలిచిన ఈ అంథాలజీ విషయాన్ని రివీల్‌ చేయడానికి చాలా ఎగ్జయిట్‌మెంట్‌తో ఉన్నాం. మన ఇండస్ట్రీ టాలెంట్‌, క్రియేటివిటీకి నవరస నిదర్శనంగా నిలవనుంది. 12000 మంది సహోద్యోగులకు దీని ద్వారా సహకారాన్ని అందించబోతున్నాం. భూమిక ట్రస్ట్‌ ద్వారా మేం చేయనున్న ఈ కార్యక్రమానికి సినీ పరిశ్రమ నుంచి అద్భుతమైన మద్దతు లభించింది. ఈ భావోద్వేగ ప్రయాణంలో భాగమైన నెట్‌ఫ్లిక్స్‌ సంస్థకు ఈ సందర్భంగా కృతజ్ఞతలను తెలియజేస్తున్నాం" అన్నారు.

AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.