డిసెంబ‌ర్ 4న ఏం జరగబోతుందో నాకు తెలుసు: హీరో నాని

వెర్సటైల్ యాక్టర్స్ స‌త్య‌దేవ్‌, నిత్యామీనన్, రాహుల్ రామ‌కృష్ణ ప్ర‌ధాన తారాగ‌ణంగా డా.రవి కిరణ్‌ సమర్పణలో బైట్‌ ఫ్యూచర్స్‌, నిత్యామీనన్‌ కంపెనీ పతాకాలపై విశ్వక్ ఖండేరావు దర్శకత్వంలో పృథ్వీ పిన్నమరాజు నిర్మిస్తోన్న చిత్రం ‘స్కైలాబ్‌’. నిత్యామీన‌న్ స‌హ నిర్మాత‌. 1979లో సాగే పీరియాడిక్ మూవీగా తెరకెక్కిన ఈ చిత్రం డిసెంబర్ 4న గ్రాండ్‌గా విడుదలకాబోతోంది. ఈ సంద‌ర్భంగా చిత్రయూనిట్ ప్రీ రిలీజ్ వేడుకను నిర్వహించింది. ఈ వేడుకకు నేచుర‌ల్ స్టార్ నాని ముఖ్య అతిథిగా హాజ‌ర‌య్యారు. 


ఈ కార్యక్రమంలో ఆయన మాట్లాడుతూ..‘‘సాధారణంగా సినిమా రిలీజ్ దగ్గర పడుతుందంటే టీమ్ సభ్యుల్లో తెలియని ఓ టెన్ష‌న్ ఉంటుంది. కానీ ఈ ‘స్కై లాబ్’ టీమ్‌లో ఆ టెన్ష‌న్ క‌న‌ప‌డ‌టం లేదు. అంద‌రి ముఖాలు వెలిగిపోతున్నాయి. కొన్ని సినిమాల‌కు అలా కుదురుతాయి. వైబ్ చెప్పేస్తుంది, సినిమా కొట్టేస్తున్నాం అని. ఈ సినిమాకు సంబంధించి ఒక‌రిపై ఒక‌రికి ఉండే న‌మ్మ‌కం. పాజిటివ్ నెస్‌, ప్రేమ‌, సినిమా విజువ‌ల్స్ అన్నీ చూస్తుంటే సినిమా చాలా పెద్ద స‌క్సెస్ అయిపోతుంద‌నే న‌మ్మ‌కం ఉంది. స్కై లాబ్ గురించి నేను కూడా చిన్న‌ప్పుడు క‌థ క‌థ‌లుగా విన్నాను. అంద‌రూ చాలా భ‌య‌ప‌డ్డారు. అలాంటి ఐడియాతో సినిమా చేయ‌డ‌మ‌నేది చాలా ఎగ్జ‌యిటింగ్ అనే చెప్పాలి. నిజానికి నేను డైరెక్ట‌ర్ విశ్వ‌క్‌తో మాట్లాడినప్పుడు నాకు తెలిసిందేంటంటే, ఈ క‌థ‌ను ముందు నాకే చెబుతామ‌ని అనుకుంటే కుద‌ర‌లేద‌ని.. చాలా మిస్ అయ్యాన‌ని బాధేసింది. అయితే నిత్యా, పృథ్వీ నిర్మాత‌లు, మంచి టీమ్  చేతిలో ప‌డింద‌ని హ్యాపీగా ఫీల్ అవుతున్నాను. అలా మొద‌లైంది సినిమా వ‌చ్చి దాదాపు ప‌దేళ్లు అయ్యింది. ఆ సినిమా షూటింగ్ స‌మ‌యాల్లో చిన్న పిల్ల‌ల్లా ఉండేవాళ్లం. స్కూల్లో బ్యాక్ బెంచ్ స్టూడెంట్స్‌లా ఆ సినిమాను ఎంజాయ్ చేశాం. మ‌ణిర‌త్నం వంటి డైరెక్ట‌ర్స్‌కే నిత్యా మీన‌న్ ఫేవ‌రేట్ యాక్ట‌ర్‌. ఆమె ఏ లాంగ్వేజ్‌లో సినిమా చేసినా మంచి న‌టి అనే పేరు తెచ్చుకుంది. అంత మంచి యాక్ట‌ర్ ఈ సినిమాతో త‌న ప్రొడ‌క్ష‌న్ జ‌ర్నీ స్టార్ట్ చేసిందంటే, గ‌ర్వంగా ఫీల్ అవుతుందంటే ఈ సినిమా ఏ రేంజ్‌లో ఉంటుందో ఊహించ‌వచ్చు. రామానాయుడుగారిలా, సురేష్‌బాబుగారిలా, దిల్‌రాజుగారిలా వంద‌ల సినిమాలు త‌ను ప్రొడ్యూస్ చేయాల‌ని కోరుకుంటున్నాను. ఇక స‌త్య‌దేవ్ గురించి చెప్పాలంటే.. త‌ను స్టార్ అవ‌బోతున్న యాక్ట‌ర్‌లా అనిపిస్తాడు. త‌ను ఎంచుకుంటున్న సినిమాలు, పెర్ఫామెన్స్‌ చూస్తుంటే చాలా హ్యాపీగా ఉంటుంది. అలాంటి వాళ్లు మంచి స్థాయికి చేరుకుంటే మ‌న‌కెంతో సంతోషంగా ఉంటుంది. త‌న‌లాంటి డిఫ‌రెంట్ మూవీస్ చేసే హీరోలు మ‌న‌కు కావాలి. రాహుల్ రామ‌కృష్ణ టెరిఫిక్ యాక్ట‌ర్‌. త‌న‌కు అభినంద‌న‌లు. డైరెక్ట‌ర్ విశ్వ‌క్‌కి ఆల్ ది బెస్ట్‌. స్కై లాబ్ స‌క్సెస్‌కి స్కై లిమిట్ కావాల‌ని మ‌న‌స్ఫూర్తిగా కోరుకుంటున్నాను. డిసెంబ‌ర్ 4న స్కైలాబ్ బాక్సాఫీస్ మీద ప‌డ‌బోతుందని నాకు తెలుసు. సినిమా పెద్ద బ్లాక్‌బ‌స్ట‌ర్ కావాల‌ని కోరుకుంటున్నాను’’ అన్నారు.

అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.