నానీ వద్దన్నారు కానీ...
ABN , First Publish Date - 2021-08-23T09:18:02+05:30 IST
‘రెండున్నరేళ్ల క్రితం ‘టక్‌ జగదీష్‌’ షూటింగ్‌ ప్రారంభించాం. ఇప్పటికే పలుమార్లు విడుదల వాయిదా పడింది. దీంతో ఇబ్బందులు ఎదుర్కొంటున్నాం....
‘రెండున్నరేళ్ల క్రితం ‘టక్‌ జగదీష్‌’ షూటింగ్‌ ప్రారంభించాం. ఇప్పటికే పలుమార్లు విడుదల వాయిదా పడింది. దీంతో ఇబ్బందులు ఎదుర్కొంటున్నాం. అందుకే ఓటీటీలో రిలీజ్‌ చేస్తున్నాం. నానీ, చిత్ర దర్శకుడు శివ నిర్వాణ ‘టక్‌ జగదీష్‌’ను థియేటర్‌లలోనే రిలీజ్‌ చేయమని కోరారు. కానీ మా ఇబ్బందులను వివరించి చెప్పటంతో ఓటీటీ విడుదలకు అంగీకరించారు. ్ఞ’’ అని ‘టక్‌ జగదీష్‌’ చిత్ర నిర్మాతలు సాహు గారపాటి, హరీష్‌ పెద్ది ఓ ప్రకటనలో తెలిపారు. థియేటర్లలో సెప్టెంబర్‌ 10న విడుదలవుతున్న ‘లవ్‌స్టోరీ’ చిత్రం నష్టపోకుండా ‘టక్‌ జగదీష్‌’ ఓటీటీ విడుదలను వాయిదా వేయాలని తెలంగాణ ఫిల్మ్‌ చాంబర్‌ ఆఫ్‌ కామర్స్‌, తెలంగాణ థియేటర్స్‌ ఓనర్స్‌ కోరారు. ఈ నేపథ్యంలో ‘టక్‌ జగదీష్‌’ నిర్మాతలు ప్రకటన విడుదల చేశారు. ఈ చిత్రంలో నానీ హీరోగా, రీతూవర్మ, ఐశ్వర్యా రాజేష్‌ కథానాయికలుగా నటిస్తున్నారు.