పెళ్లి చేసుకొబోతున్న బాలీవుడ్ బ్యూటీ.. డేట్ ఫిక్స్..

బాలీవుడ్‌లో గతేడాది ఎక్కడ చూసినా పెళ్లి, పెళ్లి అనే మాటలే ఎక్కువగా వినిపించాయి. విక్కీ కౌశల్-కత్రినా కైఫ్, రాజ్ కుమార్ రావ్-పత్రలేఖ, ఆదిత్య సీల్-అనుష్క రంజన్ తదితరులు 2021లో పెళ్లి చేసుకున్నారు. ఈ జంటను అనుసరిస్తూ మరికొంత మంది 2022లో వివాహ బంధంలోకి అడుగుపెట్టబోతున్నట్టు బీ టౌన్ మీడియా తెలుపుతోంది. ‘ నాగినీ’  బ్యూటీ మౌనీరాయ్ ఈ ఏడాది జనవరి 27న పెళ్లి చేసుకొబోతున్నట్టు తెలుస్తోంది. దుబాయ్‌కి చెందిన బిజినేస్‌మేన్ సూరజ్ నంబియార్‌ను ఆమె పెళ్లాడబోతున్నట్టు సమాచారం. దుబాయ్‌లో ఈ జంట పెళ్లాడబోతుందని పుకార్లు షికార్లు చేశాయి. కానీ, వీరి వివాహం గోవాలోనే జరగబోతున్నట్టు కథనాలు వెలువడుతున్నాయి. 


‘‘ వివాహం కోసం ఫైవ్ స్టార్ రిసార్ట్‌ను బుక్ చేశారు. అందరికి శుభలేఖలు పంపించడం మొదలుపెట్టారు. పెళ్లికి హాజరు కాబోయే అతిథులెవరూ ఈ విషయాన్ని లీక్ చేయకూడదు. ఆ వేడుకలకు వచ్చే వారందరూ తప్పకుండా వ్యాక్సినేష‌‌న్ సర్టిఫికేట్స్‌ను తీసుకొని రావాలి ’’ అని మౌనీరాయ్‌కు సంబంధించిన వ్యక్తి చెప్పారు. ఈ జంట పశ్యిమ గోవాలోని వాగేటర్ బీచ్‌లో పెళ్లి చేసుకొబోతున్నట్టు తెలుస్తోంది. జనవరి 27న మధ్యాహ్నం పెళ్లి పీటలను ఎక్కబోతున్నట్టు సమాచారం. జనవరి 28న డ్యాన్స్ బాష్ ఏర్పాటు చేయాలని ఆ జంట భావిస్తున్నట్టు ఆంగ్లపత్రికల్లో కథనాలు వస్తున్నాయి. బీ టౌన్ సెలెబ్రిటీలైన కరణ్ జోహార్, ఏక్తా కపూర్, మనీశ్ మల్హోత్రా తదితరులకు ఆహ్వానాలు ఇప్పటికే అందాయట. తన బ్యాచిలరేట్ పార్టీని మౌనీరాయ్  గోవాలోనే ఇవ్వడం ఆస్తికరమైన విషయం.  


Bollywoodమరిన్ని...

అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.