మార్చి 18.. లేదా ఏప్రిల్‌ 28

ABN , First Publish Date - 2022-01-22T05:50:32+05:30 IST

మార్చి 18.. లేదా ఏప్రిల్‌ 28

మార్చి 18.. లేదా ఏప్రిల్‌ 28

ఎన్టీఆర్‌, రామ్‌ చరణ్‌ కథానాయకులుగా నటించిన చిత్రం ‘ఆర్‌.ఆర్‌.ఆర్‌’. ఎస్‌.ఎస్‌.రాజమౌళి దర్శకుడు. ఈ సంక్రాంతికి విడుదల కావాల్సింది. కానీ పరిస్థితులు అనుకూలించకపోవడం వల్ల వాయిదా పడింది. ఇప్పుడు కొత్త రిలీజ్‌ డేట్లు ప్రకటించారు. పరిస్థితులన్నీ అనుకూలిస్తే మార్చి 18న, లేదంటే.. ఏప్రిల్‌ 28న ఈ చిత్రాన్ని విడుదల చేస్తామని చిత్రబృందం అధికారికంగా ప్రకటించింది. కరోనా ఉఽఽధృతి తీవ్రంగా ఉండడంతో ఉత్తరాదిన థియేటర్లు మూసేశారు. చాలా చోట్ల 50 శాతం ఆక్యుపెన్సీతోనే థియేటర్లు నడిపిస్తున్నారు. దాంతో పాటు నైట్‌ కర్ఫ్యూ అమలులో ఉంది. ఈ ఇబ్బందులన్నీ తొలగిపోతే మార్చి 18నే ఈ చిత్రాన్ని తీసుకొస్తారు. లేదంటే ఏప్రిల్‌ 28న రావడం మాత్రం పక్కా. కీరవాణి సంగీతం అందించిన ఈ చిత్రంలో అజయ్‌దేవగణ్‌, శ్రియ కీలక పాత్రలు పోషించిన సంగతి తెలిసిందే. 


Updated Date - 2022-01-22T05:50:32+05:30 IST