‘లవ్ స్టోరీ’ రిలీజ్ డేట్ ఫైనల్ అయ్యేది ఎప్పుడంటే..

అక్కినేని నాగచైతన్య, సాయిపల్లవి జంటగా సెన్సిబుల్ చిత్రాల దర్శకుడు శేఖర్ కమ్ముల దర్శకత్వంలో రూపొందుతోన్న చిత్రం ‘లవ్ స్టోరీ’. శ్రీ వెంకటేశ్వర సినిమాస్ ఎల్ఎల్‌పీ, అమిగోస్ క్రియేషన్స్ సంస్థలు సంయుక్తంగా నిర్మిస్తున్న ఈ చిత్రానికి కె నారాయణదాస్ నారంగ్, పి.రామ్మోహన్ రావు నిర్మాతలు. షూటింగ్ పూర్తి చేసుకుని పోస్ట్ ప్రొడక్షన్ కార్యక్రమాల్లో బిజీగా ఉన్న ఈ చిత్ర విడుదల తేదీని బుధవారం (ఆగస్ట్ 17) నిర్మాతలు ప్రకటించనున్నారు. ఈ చిత్రాన్ని వచ్చే నెల 10 లేదా 17వ తేదీన విడుదల చేయాలని నిర్మాతలు భావిస్తున్నట్లుగా తెలుస్తోంది. రిలీజ్ డేట్‌ను బుధవారం ఫైనల్ చేయనున్నారు. ఈ చిత్రంతో పాటు సోనాలి నారంగ్ స‌మ‌ర్పణ‌లో శ్రీ వేంకటేశ్వర సినిమాస్‌ ఎల్‌ఎల్‌పి, నార్త్‌స్టార్‌ ఎంటర్‌టైన్‌మెంట్‌ ప‌తాకాల‌పై రూపుదిద్దుకుంటోన్న నాగశౌర్య ‘లక్ష్య’ చిత్రాన్ని కూడా సెప్టెంబర్‌లోనే ప్రేక్షకుల ముందుకు తీసుకురావడానికి నిర్మాతలు సన్నాహాలు చేస్తున్నట్లుగా తెలిసింది.