Liger: ట్రెండింగ్‌లో రొమాంటిక్ సాంగ్ "ఆఫట్"

Twitter IconWatsapp IconFacebook Icon
Liger: ట్రెండింగ్‌లో రొమాంటిక్ సాంగ్ "ఆఫట్"

'తేనె కళ్ళతోటి పిల్లగాడు పట్టేసిండే.. 

మందు పెట్టేసిండే.. 

మంట పుట్టించిండే.. ప్రేమ జెండా తెచ్చి గుండెల్లోన నాటేసిండే.. 

నాలో దూరేసిండే.. నన్ను మార్చేసిండే..'

అంటూ సాగే ఈ పాట లైగర్ (Liger) మూవీ నుంచి తాజాగా విడుదలై యూట్యూబ్‌లో ట్రెండ్ అవుతోంది. టాలీవుడ్ సెన్సేషనల్ స్టార్ విజయ్ దేవరకొండ (Vijay Devarakonda) హీరోగా నటించిన ఈ సినిమా 'సాలా క్రాస్ బ్రీడ్' అనే ట్యాగ్ లైన్ తో రూపొందుతోంది. పూరీ జగన్నాథ్ (Puri Jagannath) దర్శకత్వంలో వస్తున్న ఈ స్పోర్ట్స్ యాక్షన్ మూవీతో బాలీవుడ్ బ్యూటీ అనన్య పాండే (Ananya Pandey) హీరోయిన్ గా సౌత్ ఇండస్ట్రీకి పరిచయమవుతోంది. ఇక ఈ చిత్రాన్ని ఇదే నెల 25న ప్రపంచవ్యాప్తంగా తెలుగుతో పాటు హిందీ, తమిళం, కన్నడ, మలయాళ భాషలలో రిలీజ్ చేయబోతున్నారు. ఈ నేపథ్యం సినిమాకు సంబంధించిన ప్రచార కార్యక్రమాలు జోరుగా సాగుతున్నాయి. 

దీనిలో భాగంగా లైగర్ బృందం 'ఆఫట్' అనే సాంగ్‌ను వదిలారు. ఇందులో విజయ్ దేవరకొండం, అనన్య పాండే రొమాన్స్‌తో రెచ్చిపోయారు. పూరి మార్క్‌తో తెరకెక్కిన ఈ పాట విడుదలైన కిద్దిసేపట్లోనే రికార్డ్ స్థాయిలో వ్యూస్ రాబడుతోంది. ఇంతకముందు వచ్చిన రెండు పాటల కంటే కూడా ఈ తాజా పాట వేగంగా దూసుకుపోతోంది. ఈ నేపథ్యంలోనే విజయ్ ఫ్యాన్స్ సోషల్ మీడియాలో ట్వీట్స్ కూడా పెడుతున్నారు. లైగర్ మూవీతో విజయ్ దేవరకొండ ఈ ఏడాది భారీ హిట్ కొట్టబోతున్నట్టుగా చెబుతున్నారు. 

కరోనా కి ముందు వరల్డ్ ఫేమస్ లవర్ సినిమాతో వచ్చిన విజయ్ ఫ్లాప్‌ను మూటగట్టుకున్నాడు. ఆ తర్వాత మొదలు పెట్టిన లైగర్ చాలా ఆలస్యం అయి ఎట్టకేలకు ప్రేక్షకుల ముందుకు రాబోతోంది. మరి విజయ్ - పూరి కాంబినేషన్‌లో వస్తున్న ఈ సినిమా ఎలాంటి సక్సెస్ అందుకుంటుందో చూడాలి. ఈ చిత్రాన్ని బాలీవుడ్ మేకర్ కరణ్ జోహార్‌తో కలిసి పూరి జగన్నాథ్, ఛార్మి నిర్మిస్తున్నారు. రమ్యకృష్ణ, వరల్డ్ ఫేమస్ బాక్సర్ మైక్ టైసన్ కీలక పాత్రల్లఒ కనిపించబోతున్నారు. 


AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.