Liger: అందుకు రెడీ అయిన పూరీ టీమ్..

Twitter IconWatsapp IconFacebook Icon
Liger: అందుకు రెడీ అయిన పూరీ టీమ్..

టాలీవుడ్ స్టార్ విజయ్ దేవరకొండ (Vijay Devarakonda) హీరోగా, బాలీవుడ్ బ్యూటీ అనన్య పాండే (Ananya Pande) హీరోయిన్‌గా నటిస్తున్న లేటెస్ట్ మూవీ 'లైగర్' (Liger). డాషింగ్ డైరెక్టర్ పూరి జగన్నాధ్ (Puri Jagannath) దర్శకత్వంలో రూపొందుతున్న ఈ చిత్రాన్ని ఆగస్టు 25న విడుదల చేబోతున్నట్టుగా ఇప్పటికే మేకర్స్ వెల్లడించారు. తాజాగా ఈ మూవీకి సంబంధించిన ఓ లేటెస్ట్ అప్‌డేట్ సోషల్ మీడియాలో చక్కర్లు కొడుతోంది. ప్రస్తుతం పూరీ టీమ్ ఈ సినిమాలోని ఫైనల్ సాంగ్ షూట్ కోసం రెడీ అవుతున్నారట. ఇప్పటికే టాకీపార్ట్ మొత్తం పూర్తి చేశారు. ప్రస్తుతం పోస్ట్ ప్రొడక్షన్స్ వర్క్ శరవేగంగా జరుగుతోంది.

అయితే, ఒక్క సాంగ్ షూటింగ్ బ్యాలెన్స్ ఉండగా, అది ఇప్పుడు పూర్తి చేసేందుకు ప్లాన్ చేశారట. ఈ సాంగ్ చిత్రీకరణతో మొత్తం షూటింగ్ కంప్లీట్ అవుతుందని సమాచారం. ఆ తర్వాత 'లైగర్' సినిమా ప్రమోషన్ కార్యక్రమాల గురించి ఒక ప్లాన్ సిద్దం అయిందని తెలుస్తోంది. ఈ సినిమాను తెలుగుతో పాటుగా హిందీ, తమిళ, కన్నడ, మలయాళ భాషలలోనూ భారీ స్థాయిలో రిలీజ్ చేయబోతున్నారు. పూరి కనెక్ట్స్, ధర్మ ప్రొడక్షన్స్‌లో ఈ సినిమా నిర్మాణం జరుపుకుంటోంది.

దర్శకుడిగా పూరికి, హీరోగా విజయ్ దేవరకొండకు 'లైగర్' మొదటి పాన్ ఇండియా చిత్రం. అందుకే, ప్రమోషన్స్‌కు కాస్త ఎక్కువ సమయం కేటాయించాలని డిసైడయ్యారట. దాదాపు 6 వారాల ముందు నుంచే ఈ మూవీ ప్రమోషన్స్ మొదలవబోతున్నట్టు తెలుస్తోంది. ఇక ఇందులో మైక్ టైసన్ కీలక పాత్రలో కనిపించనున్నారు. పూరి జగన్నాథ్, ఛార్మి (Charmy), కరణ్ జొహార్ (Karan Johar) నిర్మాతలు. ఇక పూరి - విజయ్ దేవరకొండ కాంబినేషన్‌లో ఇప్పుడు 'జనగణమన' సినిమా షూటింగ్ కూడా జరుపుకుంటోంది. ఇది కూడా పాన్ ఇండియా వైడ్‌గా రిలీజ్ కానుంది. ఇందులో పూజా హెగ్డే హీరోయిన్‌గా నటిస్తోంది.

AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.