కొత్త కొత్తగా.. ‘డైమండ్‌ రాణి’

అజయ్‌, వీర్తి వఘాని జంటగా నటిస్తున్న చిత్రం ‘కొత్త కొత్తగా’. మురళీధర్‌రెడ్డి ముక్కర నిర్మిసున్న ఈ  సినిమాకు హనుమాన్‌ వాసంశెట్టి దర్శకత్వం వహిస్తున్నారు. ఇందులో ‘డైమండ్‌ రాణి’ అంటూ సాగే పాటను దర్శకుడు మారుతి శుక్రవారం విడుదల చేశారు. అనంతరం చిత్ర యూనిట్‌కు శుభాకాంక్షలు తెలిపారు. కాసర్ల శ్యామ్‌ సాహిత్యం అందించిన ఈ పాటను అనురాగ్‌ కులకర్ణి ఆలపించారు. చక్కని ప్రేమకథతో రూపొందుతున్న ఈ చిత్రం ఫస్ట్‌లుక్‌ను ఇటీవల విడుదల చేయగా చక్కని స్పందన అందుకొంది. సినిమా షూటింగ్‌ పూర్తయింది. నిర్మాణానంతర కార్యక్రమాలు జరుపుకొంటున్న ఈ చిత్రాన్ని త్వరలో విడుదల చేయనున్నారు. సీనియర్‌ నటుడు ఆనంద్‌, కాశీ విశ్వనాథ్‌ తదితరులు నటిస్తున్న ఈ చిత్రానికి శేఖర్‌ చంద్ర సంగీతం అందిస్తున్నారు.