Vikrant Rona Twitter review: RRR, KGF 2 తర్వాత సౌత్ నుంచి మరో సూపర్‌హిట్ అంటూ..

Twitter IconWatsapp IconFacebook Icon
Vikrant Rona Twitter review: RRR, KGF 2 తర్వాత సౌత్ నుంచి మరో సూపర్‌హిట్ అంటూ..

ఈగ, బాహుబలి, సైరా వంటి చిత్రాలతో తెలుగులోనూ గుర్తింపు పొందిన కన్నడ నటుడు కిచ్చ సుదీప్ (Kiccha Sudeep). ఈ కన్నడ స్టార్ హీరో నటించిన తాజా చిత్రం ‘విక్రాంత్ రోణ (Vikrant Rona)’. భారీ యాక్షన్‌ ఎమోషనల్‌ ఫాంటసీ అడ్వెంచర్‌‌గా తెరకెక్కిన ఈ చిత్రానికి అనూప్ భండారీ దర్శకత్వం వహించారు. బాలీవుడ్ బ్యూటీ జాక్వెలిన్ ఫెర్నాండెజ్ (Jacqueline Fernandez) హీరోయిన్‌గా నటించింది. 3డిలో తెరకెక్కిన ఈ మూవీ జులై 28న కన్నడ‌తో పాటు తెలుగు, తమిళం, మలయాళం, హిందీ భాషల్లో విడుదలైంది.


ఇంతకుముందే ఈ మూవీ నుంచి వచ్చిన టీజర్, ట్రైలర్‌ మంచి రెస్పాన్స్‌ని అందుకున్నాయి. దీంతో ఈ మూవీపై దేశవ్యాప్తంగా భారీ హైప్ క్రియేట్ చేసింది. తాజాగా విడుదలైన ఈ మూవీ ప్రిమియర్స్ చూసిన పలువురు సోషల్ మీడియా వేదికగా తమ అభిప్రాయాలను పంచుకున్నారు. కిచ్చ సుదీప్ నటించిన ఈ చిత్రం విజువల్ వండరని చెబుతున్నారు. ఆర్ఆర్ఆర్, కేజీఎఫ్ తర్వాత సౌత్ నుంచి మరో భారీ చిత్రం వచ్చిందని అంటున్నారు. విక్రాంత్ రోణ దేశంలో విడుదలైన బెస్ట్ 3డీ మూవీస్‌లో ఒకటని, సస్పెన్స్, థ్రిల్‌తో ఆకట్టుకుందని చెబుతున్నారు. ఈ సినిమా కన్నడ సినీ పరిశ్రమని మరో స్థాయికి తీసుకెళ్లిందని అంటున్నారు. ముఖ్యంగా సినిమాలో కిచ్చ సుదీప్ నటన హైలెట్ అని ప్రశంసలు కురిపిస్తున్నారు. కైమాక్స్‌లో వచ్చే బీజీఎం, విజువల్స్ మరో లెవల్ అంటున్నారు.


హాలీవుడ్‌ స్థాయిలో ఈ చిత్రాన్ని తెరకెక్కించారని, నిర్మాణ విలువలు చాలా బాగున్నాయని చెబుతున్నారు. ఫస్టాఫ్‌ చాలా బాగుందని, ఇంటర్వెల్‌ ట్విస్ట్‌ అయితే అదిరిందని కామెంట్స్ చేస్తున్నారు. షాలిని ఆర్ట్స్ బ్యానర్‌లో జాక్ మంజునాథ్ నిర్మించిన ఈ మూవీని ఉత్తరాదిన సల్మాన్ ఖాన్ ఫిల్మ్స్, జీ స్టూడియోస్, కిచ్చ క్రియేషన్స్ సంయుక్తంగా సమర్పిస్తున్నాయి. కాగా.. ఈ సినిమాని నార్త్‌లో పీవీఆర్ పిక్చర్స్ పంపిణీ చేయడం విశేషం.







AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.