మీ ప్రేమకు ధన్యవాదాలు: కాజల్ అగర్వాల్

టాలీవుడ్‌ చందమామగా గుర్తింపు పొందిన కాజల్‌ అగర్వాల్‌ ఒక వైపు సినిమాల్లో బిజీగా ఉంటూనే మరోవైపు సోషల్‌ మీడియాలో ఎంతో యాక్టివ్‌గా ఉంటోంది. ఈ కారణంగానే ఆమెను ఫాలో అయ్యే నెటిజన్ల సంఖ్య నానాటికీ పెరిగి పోతోంది. తాజాగా ఆమె వెల్లడించిన వివరాల మేరకు కాజల్‌ అగర్వాల్‌ సోషల్‌ మీడియా ట్విట్టర్ ఫాలోయర్ల సంఖ్య 5 మిలియన్లు దాటిపోయింది. దీంతో ఆమె తన అభిమానులకు ప్రత్యేకంగా ధన్యవాదాలు తెలిపింది. ఇదిలావుంటే, గత యేడాది కరోనా లాక్డౌన్‌ సమయంలోనే పెళ్ళిపీటలెక్కిన ఈ బ్యూటీ... ప్రస్తుతం గర్భం దాల్చినట్టు వార్తలు వస్తున్నాయి. దీంతో ఆమె కమిట్‌ అయిన అనేక ప్రాజెక్టుల నుంచి తప్పుకుంటోందని టాక్ నడుస్తోంది.