ఆలియా ప్రెగ్నెంట్ అనే విషయం NTRకి ముందే తెలుసా..?

బాలీవుడ్ సెలబ్రిటీలైన రణ్‌బీర్ కపూర్ (Ranbir Kapoor), ఆలియా భట్ (Alia Bhatt) ఇటీవల వివాహ బంధంతో ఒక్కటైన విషయం తెలిసిందే. పెళ్లికి ముందు ఆమె నటించిన చిత్రాలలో టాలీవుడ్ దర్శకుడు ఎస్.ఎస్. రాజమౌళి (SS Rajamouli) తెరకెక్కించిన ‘ఆర్ఆర్ఆర్’ (RRR) చిత్రం ఘన విజయం సాధించడంతో.. ఇకపై టాలీవుడ్‌లోనూ హీరోయిన్‌గా నటించడానికి సిద్ధమే అన్నట్లుగా ఆలియా ఓ ఇంటర్వ్యూలో చెప్పుకొచ్చింది. అంతేకాదు, ‘ఆర్ఆర్ఆర్’ చిత్రంలో స్ర్కీన్ స్పేస్ పంచుకున్న యంగ్ టైగర్ ఎన్టీఆర్‌ తదుపరి చిత్రంలో నటించబోతున్నట్లుగా కూడా ఆమె తెలిపింది. కానీ సడెన్‌గా ఎన్టీఆర్ చిత్రం నుండి ఆమె వైదొలగినట్లుగా వార్తలు రావడంతో.. యంగ్ టైగర్ ఎన్టీఆర్ అభిమానులే కాకుండా.. సౌత్ సినీ అభిమానులందరూ ఆమెను సోషల్ మీడియాలో ట్రోల్ చేశారు. అయితే రెండు రోజుల క్రితం ఆలియా.. తను గర్భవతి అని ప్రకటించడంతో.. ఆమె వృత్తిపరమైన కారణంతో కాకుండా.. వ్యక్తిగత కారణం వల్లే NTR30 చిత్రం నుండి తప్పుకుందనేలా.. ప్రస్తుతం వార్తలు హైలెట్ అవుతున్నాయి. అంతేకాదు, ఈ విషయం (పెళ్లి, ఆ తర్వాత మాతృత్వానికి సంబంధించి ఆమె నిర్ణయం) తారక్‌కి కూడా ముందే తెలిసి ఉంటుందని, అందుకే ఆమె వ్యక్తిగత అభిప్రాయాలను గౌరవిస్తూ.. ఈ విషయాన్ని ఆయన బయటకు చెప్పలేదనేలా.. మీడియాలో కథనాలు వినిపిస్తున్నాయి.

‘NTR30’ చిత్ర విషయానికి వస్తే.. ఎన్టీఆర్ (NTR), కొరటాల శివ (Koratala Siva) కాంబినేషన్‌లో తెరకెక్కనున్న ఈ  చిత్రం ఇప్పటికే పూజా కార్యక్రమాలను పూర్తి చేసుకుంది. త్వరలో సెట్స్‌పైకి తీసుకెళ్లేందుకు మేకర్స్ సన్నద్ధమవుతున్నారు. ప్రస్తుతం ఈ సినిమాకి సంబంధించి నటీనటుల, సాంకేతిక నిపుణుల ఎంపిక జరుగుతోంది. హీరోయిన్‌గా ముందు అనుకున్న ఆలియా భట్ స్థానంలో మరో బాలీవుడ్ భామనే ఎంపిక చేసేందుకు మేకర్స్ ప్రయత్నాలు జరుపుతున్నారు. తారక్ (Tarak) పుట్టినరోజును పురస్కరించుకుని విడుదలైన ఈ చిత్ర గ్లిమ్స్.. సినిమాపై భారీగా అంచనాలను పెంచేసిన విషయం తెలిసిందే. పాన్ ఇండియా సినిమాగా తెరకెక్కనున్న ఈ చిత్రానికి సంబంధించిన మరిన్ని వివరాలు త్వరలోనే తెలియనున్నాయి.