పెళ్లిపై జాన్వీ ఆసక్తికర వ్యాఖ్యలు!

పెళ్లి విషయంలో ప్రతి ఒక్కరికీ రకరకాల ప్లాన్‌లు ఉంటాయి. అదే సినిమా తారల పెళ్లి అంటూ భారీ హంగామానే ఉంటుంది. ఈ మధ్యకాలంలో సినిమా పరిశ్రమకు చెందిన తారలంతా విదేశాల్లో డెస్టినేషన్ వెడ్డింగ్‌ ప్లాన్‌ చేసుకుంటున్నారు. కానీ శ్రీదేవి ముద్దుల కూతురు జాన్వీకపూర్‌ మాత్రం తన పెళ్లి ఇక్కడే చేసుకుంటానంటోంది. కాబోయేవాడికి తెలివితేటలుంటే చాలని చెప్పింది. ఇటీవల ఇచ్చిన ఓ ఇంటర్వ్యూలో తన పెళ్లి గురించి మనసులో మాట బయటపెట్టింది. తన వెడ్డింగ్‌ డ్రీమ్‌ గురించి చెప్పుకొచ్చింది. ‘‘పెళ్లి పనులన్నీ రెండు మూడు రోజుల్లో  అయిపోవాలి. కాప్రి ఐల్యాండ్‌లో ఓ ప్రైవేట్‌ బోట్‌లో నా స్నేహితులతో కలిసి బ్యాచ్‌లర్‌ పార్టీ చేసుకున్నాక తిరుపతిలో నా పెళ్లి చేసుకుంటాను. మెహందీ, సంగీత్‌ కార్యక్రమాలు చెన్నైలోని మైలాపూర్‌లో అమ్మ నివసించిన ఇంటిలోనే జరగాలి. పెళ్లికి దక్షిణాది సంప్రదాయ చీర ధరించాలనేది నా కోరిక’’ అని తెలిపింది.