Canes Festival: కేన్స్ చిత్రోత్సవంలో సింగిల్ షాట్ సినిమా
ABN , First Publish Date - 2022-05-17T19:28:11+05:30 IST
జాతీయ పురస్కార గ్రహీత ఆర్.పార్తీబన్ దర్శకత్వం వహించిన ‘ఇరవిన్ నిళల్’ చిత్రం కేన్స్ చలన చిత్రోత్సవాల్లో ప్రదర్శించనున్నారు. ఈ విషయాన్ని ఆయన ట్విట్టర్ వేదికగా తెలిపారు. ‘‘అంతర్జాతీయ చిత్రోత్సవంలో ‘ఇరవిన్ నిళల్’ స్ర్కీనింగ్ కానుందనే విషయాన్ని సగర్వంగా తెలియజేస్తున్నాను. కేన్స్కు ఎగిరిపోయేందుకు సిద్థంగా ఉన్నాను’ అని పార్తీబన్ ట్విట్టర్లో రాసుకొచ్చారు.
జాతీయ పురస్కార గ్రహీత ఆర్.పార్తీబన్(R. Parthiban) దర్శకత్వం వహించిన ‘ఇరవిన్ నిళల్’ (Iravin Nizhal) చిత్రం కేన్స్ చలన చిత్రోత్సవాల్లో (Canes Film Festival)ప్రదర్శించనున్నారు. ఈ విషయాన్ని ఆయన ట్విట్టర్ వేదికగా తెలిపారు. ‘‘అంతర్జాతీయ చిత్రోత్సవంలో ‘ఇరవిన్ నిళల్’ స్ర్కీనింగ్ కానుందనే విషయాన్ని సగర్వంగా తెలియజేస్తున్నాను. తమిళంతో కేన్స్కు ఎగిరిపోయేందుకు సిద్థంగా ఉన్నాను’ అని పార్తీబన్ ట్విట్టర్లో రాసుకొచ్చారు. వరలక్ష్మీ శరత్కుమార్ కీలక పాత్ర పోషించిన ఈ చిత్రం సింగిల్ షాట్లో తీయబడింది. ఆస్కార్ విన్నర్ ఏ.ఆర్.రెహమాన్ సంగీతం అందిస్తున్నారు. 2020లో ప్రారంభమైన ఈ చిత్రం కరోనా కారణంగా వాయిదాపడుతూ వచ్చింది. ఎట్టకేలకు సినిమా పూర్తయింది. త్వరలో ఈ చిత్రాన్ని విడుదల చేసేందుకు సన్నాహాలు చేస్తున్నారు. ఈ చిత్రంతో పాటు ఆర్.మాధవన్ నటించిన ‘రాకెట్రీ’ చిత్రం కూడా కేన్స్లో ప్రదర్శించనున్నారు. ఇస్రో మాజీ శాస్త్రవేత్త నంబి నారాయణన్ జీవిత చరిత్ర ఆధారంగా ‘రాకెట్రీ’ తెరకెక్కించారు.