‘చోర్‌ బజార్‌’లో...

ఆకాశ్‌ పూరి హీరోగా నటిస్తున్న చిత్రం ‘చోర్‌ బజార్‌’. వీఎస్‌ రాజు నిర్మాత. ‘దళం’, ‘జార్జ్‌ రెడ్డి’ ఫేమ్‌ జీవన్‌రెడ్డి దర్శకుడు. ఆదివారం ప్రచార చిత్రాల్ని విడుదల చేశారు. ‘‘లవ్‌ అండ్‌ యాక్షన్‌ ఎంటర్‌టైనర్‌గా చిత్రాన్ని రూపొందిస్తున్నాం. హీరో చేతిపై బచ్చన్‌ సాబ్‌ టాటూ వెనుక కారణం ఏంటి? అతను గన్‌ ఎందుకు పట్టుకున్నాడు? కథలో చోర్‌ బజార్‌ పాత్ర ఏమిటన్నది సినిమాలో చూడండి’’ అని జీవన్‌రెడ్డి తెలిపారు. ‘‘ప్రస్తుతం హైదరాబాద్‌లో ప్రత్యేకంగా వేసిన సెట్‌లో చిత్రీకరణ జరుగుతోంది. హీరో పుట్టినరోజు సందర్భంగా విడుదల చేసిన ఫస్ట్‌లుక్‌, మోషన్‌ పోస్టర్‌కు మంచి స్పందన లభిస్తోంది’’ అని నిర్మాత చెప్పారు. గేహనా సిప్పీ హీరోయిన్‌గా నటిస్తున్న ఈ చిత్రానికి సహనిర్మాత: అల్లూరి సురేశ్‌వర్మ, సంగీతం: సురేశ్‌ బొబ్బిలి.