‘విక్ర‌మ్ వేద’ ఫ‌స్ట్ షెడ్యూల్‌ని పూర్తి చేసిన హృతిక్ రోష‌న్

ఎస్‌. శ‌శికాంత్ వైనాట్ స్టూడియోస్‌తో క‌లిసి భూషణ్ కుమార్ టీ సీరీస్‌, రిల‌య‌న్స్ ఎంట‌ర్‌టైన్‌మెంట్‌, ఫ్రైడే ఫిల్మ్ వ‌ర్క్స్ నిర్మిస్తున్న సూప‌ర్‌డూప‌ర్ యాక్ష‌న్ ప్యాక్డ్ థ్రిల్ల‌ర్ ‘విక్ర‌మ్ వేద’. తమిళ్‌లో ఈ చిత్రాన్ని రూపొందించిన పుష్క‌ర్‌, గాయ‌త్రినే.. ఇప్పుడు హిందీ రీమేక్‌నూ డైరెక్ట్ చేస్తున్నారు. ప్రస్తుతం ఈ చిత్రం  27 రోజుల ఫ‌స్ట్ షెడ్యూల్‌ని అబుదాబిలో విజ‌య‌వంతంగా పూర్తి చేసుకుంది. ఈ షెడ్యూల్‌లో హృతిక్ రోష‌న్ పాల్గొన్నారు. ల‌క్నోలో జ‌రిగే తదుపరి షెడ్యూల్‌లో సైఫ్ అలీఖాన్ పాల్గొనున్నారు. హృతిక్ రోష‌న్‌, సైఫ్ అలీ ఖాన్‌, రాధికా ఆప్టే కీల‌క పాత్ర‌ల్లో న‌టిస్తున్నారు. భార‌త జాన‌ప‌ద క‌థ విక్ర‌మ్ ఔర్ బీటాల్‌ను ఆధారంగా చేసుకుని తెర‌కెక్కించిన నియో-నాయ‌ర్ యాక్ష‌న్ థ్రిల్ల‌ర్ సినిమా ఇది. ఇద్ద‌రు వ్య‌క్తులు. ఇద్ద‌రూ సామాన్యులు కారు. ఒక‌రు పోలీస్‌.. ఇంకొక‌రు గ్యాంగ్‌స్ట‌ర్‌. ఆ గ్యాంగ్‌స్ట‌ర్‌ని ప‌ట్టుకోవ‌డానికి పోలీస్ చేసిన ఆస‌క్తిక‌ర ప్ర‌య‌త్న‌మే ఈ సినిమా. 


ఫస్ట్ షెడ్యూల్ పూర్తయిన సందర్భంగా దర్శకులు పుష్క‌ర్‌, గాయ‌త్రి మాట్లాడుతూ.. ‘‘గొప్ప స్టార్లు హృతిక్‌, సైఫ్‌తో క‌లిసి ప‌నిచేయ‌డం చాలా ఆనందంగా ఉంది. అద్భుత‌మైన టీమ్‌తో క‌లిసి ప‌నిచేస్తున్నాం. అత్యంత ఇంటెన్స్, ఎగ్జ‌యిటింగ్ ప్రాజెక్ట్‌ను డెలివ‌రీ చేస్తామ‌నే న‌మ్మ‌కం ఉంది`` అని తెలుపగా.. టీసీరీస్ ఛైర్మ‌న్ అండ్ మేనేజింగ్ డైర‌క్ట‌ర్ భూష‌ణ్ కుమార్ మాట్లాడుతూ.. ‘‘విక్ర‌మ్ వేద మోస్ట్ ఎంట‌ర్‌టైనింగ్, థ్రిల్లింగ్ సినిమాగా ప్రేక్ష‌కాద‌ర‌ణ పొందింది. ఆ సినిమా హిందీ రీమేక్ గురించి అనౌన్స్ చేయ‌గానే ఆడియ‌న్స్‌లోనూ ఒక విధ‌మైన ఎగ్జ‌యిట్‌మెంట్‌నీ, ఆస‌క్తినీ గ‌మ‌నించాం. దాదాపు రెండు ద‌శాబ్దాల త‌ర్వాత డైన‌మిక్ స్టార్స్ ఇద్ద‌రినీ ఈ సినిమాతో మ‌ళ్లీ రీయూనిట్ చేసినందుకు చాలా హ్యాపీగా ఉంది. థియేట‌ర్ల‌లో వాళ్లిద్ద‌రు చేసిన మ్యాజిక్... బాక్సాఫీస్ ద‌గ్గ‌ర చేసే సంద‌డి గురించి అనుకుంటుంటే ఎప్పుడెప్పుడు సినిమాను విడుద‌ల చేస్తామా అని అనిపిస్తోంది’’ అని అన్నారు. 


నిర్మాత ఎస్‌.శ‌శికాంత్ మాట్లాడుతూ.. ‘‘నాలుగేళ్ల క్రితం త‌మిళ్‌లో విడుద‌లైన విక్ర‌మ్ వేద స‌బ్జెక్ట్ ని, ఇప్పుడు హిందీలో ఇంకా అద్భుతంగా ఆవిష్క‌రించే ప్ర‌య‌త్నం చేస్తున్నాం. హృతిక్‌, సైఫ్ క‌లిసి ఈ క‌థ‌ను బౌండ‌రీలు దాటించి ప్ర‌పంచానికి ప‌రిచ‌యం చేయ‌డానికి కృషి చేస్తున్నాం’’ అని అన్నారు. 2022 సెప్టెంబ‌ర్ 30న ఈ సినిమాను ప్ర‌పంచ‌వ్యాప్తంగా విడుద‌ల చేయనున్నారు.

Bollywoodమరిన్ని...

అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.