Harish Shankar: ఆలస్యమైంది.. కానీ చాలా హ్యాపీగా ఉంది

Twitter IconWatsapp IconFacebook Icon
Harish Shankar: ఆలస్యమైంది.. కానీ చాలా హ్యాపీగా ఉంది

కోలీవుడ్ స్టార్ హీరో ధనుష్ (Dhanush) నటించిన ‘సార్’ (Sir) (తమిళంలో ‘వాతి’) టీజర్‌పై బ్లాక్‌బస్టర్ డైరెక్టర్ హరీష్ శంకర్ (Harish Shankar) తాజాగా ట్విట్టర్ వేదికగా స్పందించారు. ఈ టీజర్ చైతన్యం కలిగించేలానూ, అలాగే మాసీగానూ ఉందంటూ కామెంట్స్ చేశారు. ధనుష్, సంయుక్తా మీనన్ (Samyuktha Menon) జంటగా సితార ఎంటర్‌టైన్‌మెంట్స్ (Sitara Entertainments) బ్యానర్‌పై వెంకీ అట్లూరి (Venky Atluri) దర్శకత్వంలో నిర్మాత సూర్యదేవర నాగవంశీ (Suryadevara Naga Vamsi) నిర్మిస్తున్న చిత్రం ‘సార్’. ఈ చిత్ర టీజర్‌ని ధనుష్ పుట్టినరోజును పురస్కరించుకుని జూలై 28న విడుదల చేశారు. ఈ టీజర్ మంచి స్పందనను రాబట్టుకోవడమే కాకుండా.. సినిమాపై కూడా భారీగా అంచనాలను పెంచేసింది. ఈ టీజర్‌ను కాస్త ఆలస్యంగా చూసిన హరీష్ శంకర్.. ‘ఆలస్యమైంది కానీ.. టీజర్ చూసినందుకు చాలా సంతోషంగా ఉంది’ అంటూ ట్వీట్ చేశారు. 


‘‘ధనుష్‌గారు నటించిన ‘సార్/వాతి’ టీజర్‌ను క్యాచ్ చేయడం కాస్త ఆలస్యమైంది కానీ.. టీజర్ చూశాక చాలా సంతోషంగా ఉంది. చైతన్యం పరిచేలానూ, మాసీగా ఈ సినిమా ఉండబోతుందని అనిపించింది. వెంకీ అట్లూరి సోదరా.. టీజర్ అద్భుతంగా ఉంది.. నీ హార్డ్ వర్క్ కనిపిస్తుంది. ఇప్పటికే టీజర్ బ్రహ్మాండంగా సక్సెస్ అయినందుకు చిత్రయూనిట్‌కు శుభాకాంక్షలు తెలియజేస్తున్నాను..’’ అని హరీష్ శంకర్ తన ట్వీట్‌లో పేర్కొన్నారు.


AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.