స్టేట్‌రౌడీ చేతుల మీదుగా గల్లీరౌడీ ట్రైలర్‌
ABN , First Publish Date - 2021-09-13T00:58:32+05:30 IST
సందీప్‌ కిషన్‌ హీరోగా నటించిన ‘గల్లీ రౌడీ’ చిత్రం శుక్రవారం ప్రేక్షకుల ముందుకు కానుంది. ఈ సందర్భంగా మెగాస్టార్‌ చిరంజీవి చేతుల మీదుగా ఆదివారం సినిమా ట్రైలర్‌ను చిత్రబృందం విడుదల చేసింది. జి. నాగేశ్వరరెడ్డి దర్శకత్వంలో ఎంవీవీ సత్యనారాయణ నిర్మించిన చిత్రమిది.
సందీప్‌ కిషన్‌ హీరోగా నటించిన ‘గల్లీ రౌడీ’ చిత్రం శుక్రవారం ప్రేక్షకుల ముందుకు కానుంది. ఈ సందర్భంగా మెగాస్టార్‌ చిరంజీవి చేతుల మీదుగా ఆదివారం సినిమా ట్రైలర్‌ను చిత్రబృందం విడుదల చేసింది. జి. నాగేశ్వరరెడ్డి దర్శకత్వంలో ఎంవీవీ సత్యనారాయణ నిర్మించిన చిత్రమిది. ప్రస్తుతం ఈ ట్రైలర్‌ వైరల్‌గా మారింది. ‘వాడు రౌడీ... వాళ్ల నాన్న రౌడీ... వాళ్ల తాత రౌడీ’ అంటూ హీరో గురించి హీరోయిన్‌ నేహా శెట్టి బిల్డప్‌ ఇవ్వడం, విలన్లను సందీప్‌ కిషన్‌ చితక్కొట్టడం, సందీప్‌ రౌడీ అనే అంశం చుట్టూ రూపొందించిన వినోద సన్నివేశాలు ఆకట్టుకునేలా ఉన్నాయి. ‘‘పక్కా వినోదాత్మక చిత్రమిది. ఈ నెల 17న థియేటర్లలో మేం నవ్వులతో దాడి చేయబోతున్నాం. ట్రైలర్‌ విడుదల చేసిన మెగాస్టార్‌కు థాంక్స్‌’’ అని దర్శక నిర్మాతలు అన్నారు. కోన వెంకట్‌ స్ర్కీన్‌ప్లే అందించడంతో పాటు సమర్పకుడిగా వ్యవహరించారు.