మా అభిమానులు కూడా ఈ సినిమా చూడాలి - రామ్‌చరణ్‌
ABN , First Publish Date - 2022-01-28T05:00:12+05:30 IST
‘గుడ్‌లక్‌ సఖి’ ప్రీ రిలీజ్‌ వేడుకకు నేను అతిథిగా రాలేదు. నాన్నగారి దూతగా వచ్చాను. ‘మహానటి’లో కీర్తిసురేష్‌ నటన నచ్చింది. జాతీయ అవార్డ్‌ దక్కించుకోవడం గ్రేట్‌.....
‘గుడ్‌లక్‌ సఖి’ ప్రీ రిలీజ్‌ వేడుకకు నేను అతిథిగా రాలేదు. నాన్నగారి దూతగా వచ్చాను. ‘మహానటి’లో కీర్తిసురేష్‌ నటన నచ్చింది. జాతీయ అవార్డ్‌ దక్కించుకోవడం గ్రేట్‌. కీర్తి అభిమానులతో పాటు మా అభిమానులు కూడా ఈ సినిమా చూడాలి’ అని రామ్‌చరణ్‌ కోరారు. కీర్తిసురేష్‌ ప్రధాన పాత్రలో నగేష్‌ కుకునూర్‌ దర్శకత్వంలో తెరకెక్కిన ఈ చిత్రం నేడు థియేటర్లలో విడుదలవుతోంది. బుధవారం నిర్వహించిన ప్రీ రిలీజ్‌ ఈవెంట్‌లో పాల్గొన్న రామ్‌చరణ్‌ సినిమా ఘన విజయం సాధించాలని ఆకాంక్షించారు.
నిర్మాత దిల్‌రాజు మాట్లాడుతూ ‘‘బ్యాడ్‌లక్‌ సఖి’ నుంచి ‘గుడ్‌లక్‌ సఖి’గా ఈ సినిమా టైటిల్‌ మారింది. కొన్ని ఏరియాలు మేం పంపిణీ చేస్తున్నాం. ఈ సినిమా కీర్తిసురేష్‌కు మరో పెద్ద హిట్‌ అవ్వాలి’ అని కోరుకున్నారు. ‘25 ఏళ్ల క్రితం ‘హైదరాబాద్‌ బ్లూస్‌’ అనే సినిమా చేశా. మళ్లీ ఇన్నాళ్లకు తెలుగు సినిమా చేయడానికి కారణం కీర్తిసురేష్‌. ఈ సినిమాలో తన పాత్రను ఆమె చక్కగా పోషించారు’ అని చెప్పారు. ఈ సినిమా కోసం టీమ్‌ చాలా కష్టపడిందని చిత్ర నిర్మాత సుధీర్‌ చంద్ర పదిరి అన్నారు.