Kamal పాటకు వ్యతిరేకంగా కేసు నమోదు

Twitter IconWatsapp IconFacebook Icon
 Kamal పాటకు వ్యతిరేకంగా కేసు నమోదు

బాక్సాఫీస్ హిట్‌లతో సంబంధం లేకుండా ప్రయోగాత్మక సినిమాలు చేసే నటుడు కమల్ హాసన్ ( Kamal Haasan). తాజాగా అతడు నటించిన సినిమా ‘విక్రమ్’ (Vikram). లోకేష్ కనకరాజ్ (Lokesh Kanagaraj) దర్శకత్వం వహించాడు. విజయ్ సేతుపతి (Vijay Sethupathi), ఫహద్ ఫాజిల్ (Fahadh Faasil) కీలక పాత్రలు పోషించారు. ఈ చిత్రం జూన్ 3న ప్రపంచవ్యాప్తంగా విడుదల కాబోతుంది. ఈ నేపథ్యంలో చిత్ర బృందం ప్రమోషన్లను వేగవంతం చేసింది. ఈ చిత్రం నుంచి మే 12న ఫస్ట్ సింగిల్ ‘పతళ పతళ’ అంటూ సాగే లిరికల్ వీడియోని మేకర్స్ విడుదల చేశారు. ఈ పాటకు కమల్ హాసన్ సాహిత్యం అందించడంతో పాటు అతడే పాడాడు. ‘పతళ పతళ’ సాంగ్‌‌లో కేంద్రప్రభుత్వాన్ని వెక్కిరించినందుకు తాజాగా కమల్ హాసన్‌ పాటపై కేసు నమోదైంది.


చెన్నైకు చెందిన సోషల్ యాక్టివిస్ట్ సెల్వం ఈ కంప్టైట్‌ను దాఖలు చేశాడు. ‘పతళ పతళ’ సాంగ్‌లోని లిరిక్స్ కేంద్రప్రభుత్వాన్ని వేళాకోళం చేస్తున్నట్టున్నాయని ఆరోపించాడు. కరోనా నిధులను దుర్వినియోగం చేశారనే విధంగా ఈ లిరిక్స్ ఉన్నాయన్నాడు. కోలీవుడ్ స్టార్ మ్యూజిక్ కంపోజర్ అనిరుధ్ రవిచందర్ (Anirudh Ravichander) ఈ సినిమాకు సంగీతం అందిచాడు. పాటను మాస్ నంబర్‪గా డిజైన్ చేశాడు. లిరికల్ వీడియోలో కమల్ హాసన్ అదిరిపోయే స్టెప్పులతో వింటేజ్ గ్రేస్‌ చూపించాడు. యూట్యూబ్‌లో ఈ పాట సంచలనం సృష్టిస్తుండగానే..కమల్ హాసన్‌పై కేసు నమోదు కావడం గమనార్హం. ‘విక్రమ్’ థియేట్రికల్  ట్రైలర్, ఆడియోని మే 16న చెన్నైలో గ్రాండ్‪గా విడుదల చేయబోతున్నారు. ఈ చిత్రంలో కాళిదాస్ జయరామ్, నరైన్, అర్జున్ దాస్, శివాని నారాయణన్ కీలక పాత్రలు షోషిస్తున్నారు.

AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.