NataRatnalu: క్రైం, థ్రిల్లర్, మిస్టరీ నేపథ్యంలో కడుపుబ్బా నవ్వించే సినిమా

Twitter IconWatsapp IconFacebook Icon
NataRatnalu: క్రైం, థ్రిల్లర్, మిస్టరీ నేపథ్యంలో కడుపుబ్బా నవ్వించే సినిమా

కంటెంట్ బేస్డ్ సినిమాలను ప్రేక్షకులు ఎలా ఆదరిస్తుంటారో.. ఇప్పటికే పలు సినిమాల విషయంలో నిరూపితమైంది. విలక్షణ కథలపై ప్రేక్షకులు ఆసక్తి చూపడంతో.. చిన్న బడ్జెట్‪తో రూపుదిద్దుకున్న సినిమాలు కూడా కోట్ల రూపాయలను సాధిస్తున్నాయి. ఇప్పుడలాంటి వినూత్న కథాంశంతోనే వచ్చేందుకు సిద్ధమవుతున్నారు ‘నటరత్నాలు’ (NataRatnalu). ఎవరెస్ట్ ఎంటర్‌టైన్‌మెంట్స్ (Everest Entertainments) పతాకంపై.. నర్రా శివనాగు (Narra Sivanagu) కథ, స్క్రీన్‪ప్లే, మాటలు, దర్శకత్వ పర్యవేక్షణలో గాదే నాగభూషణం (Gade NagaBhushanam) రూపొందిస్తున్న చిత్రం ‘నటరత్నాలు’. ఎన్.ఎస్ నాగేశ్వరరావు (Nageswarao NS) నిర్మించనున్న ఈ చిత్రం.. ప్రస్తుతం ప్రీ ప్రొడక్షన్ వర్క్స్ శరవేగంగా జరుపుకుంటోంది. అతిత్వరలో పూజా కార్యక్రమాలతో ఘనంగా చిత్రాన్ని ప్రారంభిస్తామని మేకర్స్ తాజాగా ప్రకటించారు. 


ఆనందాసు శ్రీ మణికంఠ (Anamdasu Sri Manikantha) సహ నిర్మాతగా వ్యవహరిస్తున్న ఈ చిత్రంలో.. పలు సూపర్ హిట్ సినిమాల్లో కమెడియన్‪గా నటించి ప్రత్యేక గుర్తింపు తెచ్చుకున్న సుదర్శన్ (Sudarsan), కమెడియన్-క్యారెక్టర్ ఆర్టిస్ట్‪గా దూసుకుపోతున్న రంగస్థలం మహేష్‪ (Rangasthalam Mahesh)లతో పాటు.. తెలుగు చిత్రసీమలో ఎంతోమంది హీరోలకు నటనలో శిక్షణ అందించిన సత్యానంద్ (Satyanand) ఇన్సిస్టిట్యూట్‪లో ట్రైనింగ్ తీసుకున్న యంగ్ హీరో అర్జున్ తేజ్ (ArjunTej) ప్రధాన పాత్రలలో నటిస్తున్నారు. డా భద్రం, తమిళ నటుడు శేషాద్రి,  తదితరులు ఇతర ముఖ్యపాత్రల్లో కనిపించనున్నారు.


ఈ సందర్భంగా దర్శకనిర్మాతలు మాట్లాడుతూ.. ‘‘అన్ని వర్గాల ప్రేక్షకులకు కనెక్ట్ అయ్యేలా క్రైం, థ్రిల్లర్, మిస్టరీ నేపథ్యంలో ‘నటరత్నాలు’ చిత్రాన్ని తెరకెక్కించబోతున్నాం. ఈ చిత్రంలో కామెడీ పార్ట్ హైలైట్ అయ్యేలా, ప్రేక్షకులు కడుపుబ్బా నవ్వుకునేలా ఉంటుంది. జూన్ మొదటివారంలో ఈ మూవీ రెగ్యులర్ షూటింగ్ ప్రారంభించి, శరవేగంగా పూర్తి చేసేలా ప్లాన్ రెడీ చేసుకున్నాం. సన్నివేశాలకు తగిన లొకేషన్స్ ను కూడా ఎన్నుకున్నాం. ఖర్చుకు వెనకాడకుండా.. ఈ చిత్రాన్ని రూపొందించి, ప్రేక్షకులకు వినూత్న అనుభూతిని కలిగిస్తాము..’’ అని తెలిపారు.

AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.