దునియా విజయ్ ‘మహాబలి’ రెడీ అవుతోంది

ప్రభాస్ (Prabhas) ‘బాహుబలి’(Bahubali)గా ప్రపంచాన్ని షేక్ చేస్తే.. ఇప్పుడు కన్నడ హీరో దునియా విజయ్ (Duniya Vijay) తెలుగులో ‘మహాబలి’(Mahabali)గా మెస్మరైజ్ చేసేందుకు రెడీ అవుతున్నారు. దునియా విజయ్ హీరోగా డా. భారతి, కళ్యాణి రాజు హీరోయిన్లుగా.. రవికిరణ్ వికాస్ దర్శకత్వంలో కన్నడంలో రూపొందిన చిత్రం ‘జయమ్మన మగ’. ఇటీవలే విడుదలైన ఈ చిత్రం భారీ విజయాన్ని అందుకోవడమే కాకుండా.. 35 కోట్లకు పైగా షేర్ వసూలు చేసి సెన్సేషన్ సృష్టించింది. ఈ చిత్రాన్ని శ్రీ జె.వి. ప్రొడక్షన్స్ పతాకంపై  ప్రముఖ డిస్ట్రిబ్యూటర్, నిర్మాత మార్డురి వెంకట్రావు ‘మహాబలి’ పేరుతో తెలుగు ప్రేక్షకులకు అందించబోతున్నారు. ప్రస్తుతం ఈ చిత్రం అన్ని కార్యక్రమాలు పూర్తి చేసుకుని.. విడుదలకు సిద్ధమైనట్లుగా ఆయన తెలిపారు. 

ఈ సందర్భంగా నిర్మాత మార్డురి వెంకట్రావు మాట్లాడుతూ.. ‘‘హండ్రెడ్ పర్సెంట్ యాక్షన్ అండ్ లవ్ స్టోరీతో పాటు అద్భుతమైన విజువల్ వండర్‌గా కన్నడలో రూపొందిన ‘జయమ్మన మగ’ చిత్రం అక్కడ సెన్సేషనల్ హిట్ అయింది. ఈ చిత్రాన్ని మా శ్రీ జె. వి. ప్రొడక్షన్స్ బ్యానర్‌లో ‘మహాబలి’ పేరుతో తెలుగు ప్రేక్షకులకు అందిస్తున్నాం. హార్రర్ నేపథ్యంలో సస్పెన్స్ థ్రిల్లర్‌గా రూపొందిన ఈ చిత్రం.. తెలుగు ప్రేక్షకులకు ఖచ్చితంగా నచ్చుతుందని భావిస్తున్నాము. మా బ్యానర్‌లో ఇది మరొక సూపర్ హిట్ చిత్రంగా నిలుస్తుందని బలంగా నమ్ముతున్నాము. ప్రముఖ సంగీత దర్శకుడు అర్జున్ జన్య ఐదు పాటలు చాలా డిఫరెంట్‌గా కంపోజ్ చేసాడు. అలాగే రీ రికార్డింగ్ అద్భుతంగా చేశాడు. దర్శకుడు రవికిరణ్ టేకింగ్, దునియా పెర్ఫార్మెన్స్ ఈ చిత్రానికి హైలైట్‌గా ఉంటాయి. భారతీబాబు మాటలు, పాటలు అద్భుతంగా రాశారు. త్వరలో ఆడియో రిలీజ్ చేసి.. వెంటనే సినిమాను రిలీజ్ చేయడానికి సన్నాహాలు చేస్తున్నాం” అని అన్నారు.