‘దేవుడితో సహజీవనం’.. రిలీజ్ ఎప్పుడంటే?

సురేష్ నీలి ప్రొడక్షన్‌లో కాంట్రవర్శియల్ డైరెక్టర్ సాయిరామ్ దాసరి రూపొందిస్తోన్న చిత్రం ‘దేవుడితో సహజీవనం’. ఈ చిత్రానికి సంబంధించిన ఫస్ట్ లుక్‌ మరియు గ్లింప్స్‌ను ఇటీవల విడుదల చేశారు. ఫస్ట్ లుక్, గ్లింప్స్‌ను ఆదరించిన ప్రేక్షకులకు ధన్యవాదాలు తెలుపుతూ.. చిత్ర తాజా అప్‌డేట్‌ను దర్శకుడు సాయిరామ్ దాసరి తెలియజేశారు. ఆయన మాట్లాడుతూ.. దేవుడితో సహజీవనం చిత్ర ఫస్ట్ లుక్, గ్లింప్స్‌కు అద్భుతమైన స్పందన వచ్చింది. ఆదరించిన ప్రేక్షకులకు మా చిత్రయూనిట్ తరపున ధన్యవాదాలు తెలియజేస్తున్నాను. ఈ చిత్రానికి నాతో పాటు సురేష్ నీలి, వంశీధర్ రెడ్డి నిర్మాతలు. ఆర్టిస్టులందరూ అద్భుతంగా సపోర్ట్ చేశారు. హిట్ ఫ్లాప్‌లతో సంబంధం లేకుండా మంచి సినిమాలను, నాకు నచ్చిన సినిమాలను ప్రేక్షకులకు అందజేయాలనేదే నా ఉద్దేశ్యం. అందుకే ఇది నా పదవ సినిమాగా మీ ముందుకు రానుంది. ప్రస్తుతం ఈ చిత్రానికి సంబంధించి పోస్ట్ ప్రొడక్షన్ కార్యక్రమాలు జరుగుతున్నాయి. డిసెంబర్‌లో విడుదల చేసేందుకు ప్లాన్ చేస్తున్నాం..’’ అని తెలిపారు.